fbpx
Þriðjudagur 05.júlí 2022
Matur

Þetta borðar Völundur Snær á venjulegum degi

Guðrún Ósk Guðjónsdóttir
Laugardaginn 5. desember 2020 17:30

Völundur Snær matreiðslumaður. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Matreiðslumaðurinn Völundur Snær Völundarson er vanafastur og byrjar flesta daga á sama morgunmatnum. Kvöldmaturinn er fjölbreyttur en eitt er þó víst, fjölskyldan sest alltaf niður saman.

Völundur lýsir venjulegum degi í lífi sínu. „Ég er með tvö sprotafyrirtæki sem tengjast íslenskum lífrænum þara. Annað heitir Algarum Organic og framleiðir þarahylki og þaraduft úr lífrænum þara. Þarinn er einstaklega ríkur af joði ásamt því að innihalda ómega fitusýrur, trefjar, prótein og steinefni. Hitt er Ocean Umami salt sem er blanda af náttúruvottuðu salti ásamt lífrænt vottuðum þara til þess að ná fram einstöku umami-bragði sem er fimmta bragðið í matreiðslu og er í raun ekki hægt að ná fram nema með réttum hlutföllum af þara,“ segir Völundur.

„Sjálfur er ég frekar vanafastur. Ég byrja alltaf daginn á ferskum safa, svo tveimur kaffibollum og einni ristaðri súrdeigsbrauðsneið með osti og umami-salti. Ég fer í sund daglega þegar það er í boði og hef gaman af allri útiveru.“

Setjast alltaf niður saman

Völundur segist ekki fylgja neinu ákveðnu mataræði, en leggur þó áherslu á eitt.

„Það er nú frekar fjölbreytt mataræði á þessu heimili en við forðumst kannski helst þungan og brasaðan mat þrátt fyrir að hann komi á borð öðru hvoru. Við pössum alltaf upp á að setjast niður á hverju kvöldi þrátt fyrir að við séum að borða eitthvað létt,“ segir hann.

Aðspurður hvort hann verji miklum tíma í eldhúsinu svarar Völundur játandi.

„Já, eldhúsið er klárlega minn vettvangur á heimilinu enda finnst mér það æðislegt. Held að ég sé ágætis kokkur,“ segir hann.

Uppáhaldsmáltíð?

„Fiskur er í algjöru uppáhaldi. Ég elska létt eldaðan fisk með salati og góðu vinaigrette.“

Völundur Snær. Mynd/Sigtryggur Ari

Matseðill Völundar

Morgunmatur

Ferskur djús, kaffi og ristað súrdeigsbrauð.

Millimál

Próteinsjeikur með banana, trefjum, kakó-nibbum og chiafræjum.

Hádegismatur

Soðin egg, píta með grænmeti, eða kaldur kjúklingur.

Kvöldmatur

Plokkfiskur, kjötsúpa, hakk og spaghettí, grilluð pitsa, kjötbollur eða fiskibollur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

HelgarmatseðillMatur
Fyrir 3 vikum

Ómótstæðilegur helgarmatseðill með ítölsku ívafi í boði Lindu Ben

Ómótstæðilegur helgarmatseðill með ítölsku ívafi í boði Lindu Ben
Matur
Fyrir 3 vikum

Gabríel töfrar fram tryllingslega gott tígrisrækjusalat

Gabríel töfrar fram tryllingslega gott tígrisrækjusalat
HelgarmatseðillMatur
20.05.2022

Maríanna er brjáluð í nautasteikur og ekkert gleður hana eins mikið og Tiramisu

Maríanna er brjáluð í nautasteikur og ekkert gleður hana eins mikið og Tiramisu
Matur
18.05.2022

Ný vörulína frá Kaju sem á eftir að slá í gegn

Ný vörulína frá Kaju sem á eftir að slá í gegn
Matur
09.05.2022

Risarækjukokkteill eins og hann gerist bestur

Risarækjukokkteill eins og hann gerist bestur
Matur
08.05.2022

Vegan með Vítalíu – Mjúkar og djúsí súkkulaðibitakökur

Vegan með Vítalíu – Mjúkar og djúsí súkkulaðibitakökur