Una Guðmunds matgæðingur DV setti á sig jólasvuntuna og smellti í allt sitt uppá- haldsgúmmelaði fyrir jólin. Nú má byrja að sigta flórsykurinn og hlusta á jólalög.
Hér deilir Una með lesendum dýrindis bollakökum með piparökubotni og rjómaostskremi.
Piparkökubotn
Byrjið á því að bræða smjör í potti og leyfið því svo aðeins að kólna.
Þeytið saman sykurinn (bæði hvíta og brúna) og eggin þar til blandan verður létt í sér. Blandið restinni af þurrefnunum saman við ásamt smjörinu, mjólkinni og vanilludropunum.
Næst er komið að því að setja deigið í form, ég legg gjarnan pappaform ofan í eldfasta, muffinsforma pönnu svo að kökurnar fletjist ekki út, þær haldast stífari með þessu móti.
Bakið kökurnar í ofni við 180 gráðu hita í um 15-20 mínútur.
Látið kólna áður en kremið er sett á.
Rjómaostskrem
Byrjið á að þeyta rjómann í skál, hafið hann léttþeyttan.
Blandið rjómaostinum saman við rjómann og hrærið vel saman.
Sigtið flórsykur og kanil saman við blönduna og blandið öllu vel saman með sleif.
Ég set kremið í sprautupoka og nota krem stút til þess að sprauta kreminu fallega á kökurnar. Einnig er hátíðlegt að strá smá kökuglimmer yfir bollakökurnar eða muldum kanilstöngum til skreytinga.
