Eva Einarsdóttir, kynningarfulltrúi fyrir Erasmus+ og Nordplus, er galdrakona í eldhúsinu. Hún er hetja þegar kemur að grænmeti og maturinn hennar einkennist af flóknu bragði og fegurð.
½ rauðkálshaus
2 dl svart quinoa (eða venjulegt)
2 lúkur grænkál
8-10 radísur
2 dl soðnar linsur
2-3 skalottlaukar
Nokkrar greinar ferskt timjan
3-4 msk. vegan smjör
3 msk. vegan majónes
3 msk. vegan sýrður rjómi
2-3 tsk. hlynssýróp
½ grænmetisteningur
1 dl heslihnetur, muldar eða flögur
Ólífuolía
1 tsk. cumin
1 tsk. timjan
1 tsk. múskat
1-2 tsk. dijon
1 tsk. dill
1 tsk. estragon
Sítrónusafi
Salt og pipar
Aðferð:
Hitið ofninn upp í 180°.
Hitið ½ l af vatni, ég nota alltaf hraðsuðuketil.
Hitið undir pottinum sem quinoað á að fara í. Leyfið botninum að hitna og setjið svo quinoað út í. Eftir 1-2 mín. látið þið grænmetisteninginn yfir og hellið svo yfir heitu vatninu. Fáið upp suðu og leyfið svo að malla í 20 mín
Rífið grænkálið og setjið í eldfast mót og einnig radísurnar. Setjið olíu yfir og setjið inn í ofn í ca. 20 mín. Skerið rauðkáli í tvennt, geymið hinn helminginn í eitthvað skemmtilegt.
Skerið í hálfmánasneiðar, ca 1-2 cm þykkar. Reynið að láta ekki detta í sundur. Hitið olíu á pönnu miðlungshita. Setjið svo um 2 msk. smjör á pönnuna
Skerið skalottlaukinn í frekar grófa sneiðar og setjið á pönnuna. Látið „rauðkálssteikurnar“ á pönnuna eftir 2-3 mínútur. Hellið olíu yfir og kryddið með cumin, timjan, múskati, salti og pipar. Snúið við og reynið að láta þær halda sér saman. Hrærið í quinoa og látið smá smjörklípu út í, salt og pipar og einnig 1-2 tsk. hlynsíróp
Sósan
Hrærið saman majónesi, sýrðum rjóma ,1-2 tsk. dijon, dilli, estragon, sýrópi, smá sítrónuskvettu, salti og pipar.
Takið grænkál og radísur úr ofninum. Grænkálið getur verið smá misjafnt eftir ofnum og þarf stundum skemmri tíma svo það brenni ekki við
Látið rauðkálið á diska og látið þá linsubaunirnar á sömu pönnu, leyfið skalottuauknum og timjan að vera á, smá skvettu af ólífuolíu og við frekar háan hita og eldið í ca. 3 mínútur.
Látið svo quinoað á diskana með rauðkálinu, radísum, grænkáli, sósunni og að lokum linsurnar. Skreytið með timjangreinum og muldum heslihnetum.