Í Facebook-hópnum Matartips er allt sem tengist mat rætt í þaular. Vinsælt umræðuefni er hvar er hægt að fá góðan mat. Í gær setti ósáttur viðskiptavinur American Style inn færslu og spurði netverja hvar hann gæti fengið góðan hamborgara. Í kjölfarið stofnaði Pétur nokkur skoðanakönnun á síðunni þar sem matartipsarar gátu kosið um hvaða staður býður upp á besta hamborgarann.
Hamborgarabúllan vann kosninguna með yfirburðum með 214 atkvæðum.
Í öðru sæti var það Brauðkaup með 110 atkvæði.
Í þriðja sæti er Tasty með 75 atkvæði og Block Burger fylgja þar fast eftir á með 64 atkvæði.
Le Kock er í fimmta sæti með 51 atkvæði.
Barion fékk 28 atkvæði, Roadhouse 26 atkvæði og Golfklúbburinn Holtagörðum fékk 21 atkvæði.
Hvað segja lesendur? Hvar er besti hamborgarinn á Íslandi?
