Í febrúar ætla fisksalar að starta Fisk-búar mánuðinum. Kristján hjá Fiskikónginum greinir frá þessu í fréttatilkynningu.

„Markmiðið er að hvetja alla landsmenn til að borða meiri fisk í febrúarmánuði. Núna eru allir búnir að eiga desember sem „sukkmánuð“ þar sem allir leyfa sér að borða og drekka næstum hvað sem er. Svo á nýju ári þá hófst Veganúar. Núna er að halda áfram í hollustunni og svissa yfir í fiskinn og demba sér í FISK-BÚAR,“ segir hann.

Það eina sem landsmenn þurfa að gera til að taka þátt er að borða fisk í febrúar að sögn Kristjáns.

„Stuðlum að bættir heilsu, meiri vellíðan og hugsum um líkama og sál. Ferskur fiskur er villibráð, ómenguð og án allra aukaefna.“

Þeir sem taka þátt og eru í „landsliði fisksala“, eins og Kristján kallar það, eru:

Fiskbúðin Hafberg

Fylgifiskar

Fiskbúð Fúsa

Fiskikóngurinn

Fiskkompani Akureyri

Fiskbúð Hólmgeirs

Vegamót Fiskbúð

„Þetta er í fyrsta skipti sem fisksalar standa saman og eru í einhverskonar samstarfi. Því ber að fagna. Íslendingar eru fiskveiðiþjóð og ættu að vera með svona mánuð. Við teljum að þetta gæti orðið rosalega stórt. Til dæmis túrista aðlaðandi,“ segir Kristján.