Hvítlaukur hefur ýmiss konar jákvæð áhrif á heilsuna, þó varasamt sé að borða of mikið af honum. Hér verður farið yfir þessi jákvæðu áhrif en í lok greinarinnar er einnig bent á fylgikvilla þess að borða of mikinn hvítlauk.
Hvítlaukur gerir karlmenn meira aðlaðandi, eitthvað sem hefur ruglað vísindamenn í ríminu þar sem hvítlaukslykt hefur ávallt verið talin ólykt. Nýlegar rannsóknir sýna hins vegar fram á að konur eru vitlausar í líkamslykt karlmanna sem hafa borðað hvítlauk. Hins vegar mega karlmennirnir aðeins borða tvo hvítlauksgeira tólf tímum áður en þeir fara á stefnumót ef þeir ætla að heilla kvenmenn upp úr skónum. Hugsnaleg útskýring er örverueyðandi efnið í hvítlauk sem dregur úr svitalykt.
Það er alvitað að hvítlaukur verndar okkur gegn ýmsum vírusum og kvefi en vísindamenn hafa enn og aftur staðfest nýlega að fólk ætti að borða hvítlauk reglulega til að losna við vetrarflensu. Það útskýrist af því að í hvítlauk er fullt af vítamíni, olíum og amínósýrum. Í hvítlauk er einnig allisín sem er lífrænt efni sem drepur bakteríur og sveppi. Það skal tekið fram að aðeins ferskur hvítlaukur ver fólk gegn sjúkdómum.
Þeir sem eru með of háan blóðþrýsting ættu að borða meira af hvítlauk. Hvítlaukur minnkar þrýsting í æðum og lækkar magn slæms kólestóról. Það þýðir að líkur á hjartasjúkdómum og heilablóðfalli minnkar.
Peningaöfl selja alls kyns fæðubótarefni með andoxunarefnum á okurverði. Það er hins vegar alveg jafn mikið af góðum efnum sem sporna gegn öldrun heilans í hvítlauk, nema hvítlaukurinn er á mun lægra verði. Ungt fólk getur bætt minnið með því að borða hvítlauk reglulega og eldra fólk getur lækkað líkurnar á Alzheimer-sjúkdómnum.
Hvítlaukur gerir hjarta og vöðvum kleift að nýta krafta sína til hins ýtrasta og eykur regluleg neysla á hvítlauk þess vegna þol og úthald. Þarna spilar einnig inn í góðu áhrifin sem hvítlaukur hefur á ónæmiskerfið. Ekkert kvef – engin hvíld frá hreyfingu.
Hvítlauksneysla eykur hárvöxt og gerir hárið þykkara. Þá bregðast frumurnar í húðinni sem sjá um endurnýjun hennar vel við hvítlauk.
Eins og áður segir eru efni í hvítlauk sem drepa bakteríur og sveppi, en það er einmitt mjög gott fyrir munnholið. Hvítlaukur getur drepið hættulegar örverur og linað bólgur í gómi. Neysla á hvítlauk dregur því úr tannskemmdum.
Ekki er mælt með að borða mikinn hvítlauk á meðgöngu eða við brjóstagjöf. Börn undir sjö ára ættu einnig að borða hvítlauk í hóflegu magni.
Ekki ætti að borða hvítlauk tveimur vikum fyrir skurðaðgerð þar sem hvítlaukur þynnir blóðið.
Ekki nudda hvítlauk á húð þína nema undir lækniseftirliti.
Hvítlaukur er sem eitur fyrir dýr, sérstaklega hunda og ketti.
Læknar segja að heilbrigt fólk geti borðað allt að fjórum hvítlauksgeirum á dag, ekki meira en það.
