Forsvarsmenn drykkjarvörurisans Coca-Cola ætlar ekki að hætta að selja vörur sínar í plastflöskum. Coca-Cola var í efsta sæti á nýlegum lista yfir mestu plastsóða heimsins. Ekkert fyrirtæki leggur meira til plastmengunar en Coca-Cola.

Bea Perez, yfirmaður deildar um sjálfbærni hjá fyrirtækinu, segir við BBC að svo lengi sem eftirspurn er eftir plastflöskum muni fyrirtækið halda áfram að selja vörur sínar í plastflöskum. Þessar umbúðir séu hentugar því þær eru léttar og þá er auðvelt að loka þeim aftur svo varan viðhaldi gæðum sínum.

Perez segir að fyrirtækið hafi sett stefnuna á að endurvinna allt það plast sem framleitt er áður en árið 2030 gengur í garð. Hvort það muni ganga eftir skal ósagt látið.

Í frétt BBC kemur fram að Coca-Cola framleiði – eða láti framleiða fyrir sig – þrjár milljónir tonna af plastumbúðum á hverju ári. Þetta jafngildir 200 þúsund flöskum á hverri mínútu.