Margrét Bjarnadóttir, matreiðslumaður með meiru, trúir því að ef líkaminn er í góðu jafnvægi þá leiti hann í hollan og góðan mat. Hún deildi nýlega með okkur hvað hún borðar á venjulegum degi.

Sjá einnig: Þetta borðar Margrét Bjarnadóttir á venjulegum degi

Hér deilir Margrét uppskrift að bragðmikilli og ferskri naan-pitsu.

Hráefni:

1 tsk. sykur

½ bolli volgt vatn

2 ¼ tsk. þurrger

2 ¼ bolli hveiti

½ bolli hreint jógúrt

½ tsk. salt

1 msk. olía

Aðferð:

1. Blandar í skál sykri, þurrgeri og vatni, pískar saman og geymir í 15 mínútur.
2. Setur hveiti á borð og býrð til holu í miðjuna. Setur jógúrtið, olíu og salt í holuna.
3. Bætir gerblöndunni við og blandar síðan öllu saman í höndunum.
4. Setjið í skál og látið hefast í klukkutíma með viskustykki yfir skálinni.
5. Skerið í 6-8 bita og fletjið út í litlar kökur.
6. Steikið í Cast Iron potti eða pönnu (til dæmis Le Cruiset) með smá olíu.
7. Búið til hvítlaukssmjör og penslið naan-brauðin.

Karrý

Hráefni

2–3 hvítlauksgeirar

½ rauðlaukur

Kirsuberjatómatar eða 1 tómatur

1 dós kjúklingabaunir

1 dós tómat-púrra

1 ferna kókosrjómi (coconut cream, þessi fjólubláa frá Santa Maria)

1 kjúklingakraftsteningur

Ferskur kóríander

¹∕³  tsk. cayenne

1 ½ tsk. túrmerik

½ tsk. cumin

1 ½ tsk. garam masala

2 tsk. marokkósk harissa chilliblanda (Kryddhúsið)

Aðferð:

1. Pressið hvítlaukinn og skerið rauðlaukinn í þunnar sneiðar.
2. Svitið hvítlaukinn og rauðlaukinn á pönnu ásamt smá olíu. Bætið tómatpúrru út á pönnuna og síðan kókosrjómanum.
3. Setjið síðan smá vatn í fernuna og bætið því einnig út á pönnuna ásamt kjúklingakrafti.
4. Kryddið með túrmerik, garam masala, marokkóskri harissu, cumin og cayenne. Smakkið til og kryddið svolítið eftir smekk.
5. Skolið kjúklingabaunirnar með vatni og bætið síðan út á pönnuna.
6. Saxið ferskan kóríander og skerið tómata í bita og bætið við blönduna.

Að lokum

Mangó

Klettasalat (rucola)

Mozzarellaostur eða kotasæla

Ólífuolía

Skerið mangó í þunnar sneiðar. Setjið blönduna á naan-brauðið og hyljið með þunnum mangósneiðum. Berið fram með klettasalati og ólífuolíu.