Næringarfræðingurinn Rebecca Gawthorne sýnir hvernig á að setja saman hina fullkomnu máltíð.

Hún fylgir þeirri þumalputtareglu að grænmeti ætti að þekja helming disksins, kolvetni ættu að þekja einn fjórða og prótein einn fjórða. Svo á að bæta við hollri fitu, eins og að strá hnetum yfir diskinn.

„Áttu erfitt með skammtastærðir? Ég var vön að gera það! Ég borðaði annað hvort allt of mikið, svo mikið að mér leið illa. Eða ég borðaði ekki nóg og fékk mér annan disk, svo þann þriðja og svo framvegis,“ segir Rebecca á Instagram.

https://www.instagram.com/p/CACbp2wll-R/

Rebecca borðar mestmegnis plöntufæði en fær sér stundum fisk.

Hvernig á að setja saman hinn fullkomna disk að mati Rebeccu?

1. Grænmeti eða salat ætti að þekja helming disksins
2. Einn fjórði disksins ætti að vera þakinn kolvetni, eins og hrísgrjón eða pasta
3. Einn fjórði ætti svo að vera prótein, eins og fiskur eða tófú
4. Toppaðu svo máltíðina með hollri fitu eins og avókadó olíu eða hnetum

Rebecca sýnir einnig á Instagram hvernig er hægt að búa til hollt, gott og saðsamt salat.

https://www.instagram.com/p/B9SUx0Clp8q/