Það er margt skrýtið í kýrhausnum, sérstaklega þegar kemur að samfélagsmiðlum. Alls kyns áskoranir hafa verið birtar á miðlunum í gegnum tíðina, en nú hefur líklegast heimskulegasta trendið verið kynnt til sögunnar á samfélagsmiðlinum TikTok.

Það var ung kona að nafni Regan sem var upphafskona trendsins, en hún birti myndband á TikTok þar sem hún hvatti karlmenn til að athuga hvort þeir gætu fundið bragð af mat með eistunum. Kom þetta út frá rannsókn sem var gerð árið 2013 þar sem kom í ljós að mýs væru með bragðskyn í eistunum. Mýs – ekki menn.

„Dýfið eistunum í eitthvað ef þið eruð með þau. Þetta er í vísindalegum tilgangi og ég verð að vita þetta. Takk,“ segir Regan í myndbandinu sem hóf þetta allt saman.

@cryinginthecarplease I need to know♬ original sound – cryinginthecar

Fjölmargir TikTok-notendur hafa tekið þessari áskorun, þar á meðal AlxJames, sem birti myndband af sér dýfa eistunum í sojasósu.

„Guð minn góður, ég finn bragð af saltinu! Þetta er fáránlegt!“ sagði hann í myndbandinu.

@alxjamesoh.. my god….. 🤭😳♬ original sound – alxjames

YouTube-stjarnan GayGod prófaði þetta einnig og sagðist líka geta fundið bragð af sojasósunni með eistunum. Hins vegar eru engar vísindalegar rannsóknir sem sanna að karlmenn séu með bragðskyn í eistunum og því líklegast betra að láta þessa áskorun framhjá sér fara.