fbpx
Fimmtudagur 20.júní 2019
Matur

Viltu lifa lengur? Þá skaltu ekki láta þetta ofan í þig

Ritstjórn DV
Miðvikudaginn 5. júní 2019 13:00

Ekki missa af Helstu tíðindum dagsins í pósthólfið þitt

Lesa nánar

Kartöflur hafa fylgt mannskepnunni í gegnum aldirnar og jafnan verið borðaðar af bestu lyst, enda uppfullar af trefjum, vítamínum og góðum næringarefnum.

Hægt er að matreiða kartöflur á ýmsa vegu eins og margir vita og eru hinar svokölluðu frönsku kartöflur, sem oftar en ekki eru djúpsteiktar, vinsæll kostur. En það hvernig við matreiðum kartöflurnar getur skipt sköpum um heilsu okkar.

Af þessu tilefni gerðu vísindamenn umfangsmikla rannsókn sem náði til 4.400 einstaklinga á aldrinum 45 til 79 ára. Fylgst var með þessum einstaklingum yfir átta ára tímabil og birtust niðurstöðurnar í American Journal of Clinical Nutrition.

Þegar rannsókninni lauk kom í ljós að 236 þeirra sem skoðaðir voru höfðu látist meðan á rannsókninni stóð. Þá kom í ljós að fylgni var á milli þess hversu mikið af unnum kartöflum þátttakendur létu ofan í sig og dauðsfalla. Með unnum kartöflum er til dæmis átt við djúpsteikar franskar kartöflur, ofnbakaðar franskar kartöflur, krullufranskar og vöfflufranskar svo dæmi séu tekin. Þessar kartöflur eru oft baðaðar í salti, fitu og jafnan borðaðar með tómatsósu sem oftar en ekki er uppfull af sykri.

Í niðurstöðunum er tekið fram að ekki sé hægt að sýna fram á kartöfluátið hafi beinlínis valdið ótímabærum dauðsföllum þó vísbendingarnar séu til staðar. Þannig verði að taka með í reikninginn að þeir sem borða djúpsteiktar kartöflur gætu allt eins verið líklegir til að borða annan óhollan mat og hreyfa sig minna en aðrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

Ótrúlegur munur á Kolbrúnu á nokkrum mánuðum: „Ég var orðin svo þung að ég fékk sjokk“

Ótrúlegur munur á Kolbrúnu á nokkrum mánuðum: „Ég var orðin svo þung að ég fékk sjokk“
Matur
Fyrir 1 viku

Myndband af ógeðfelldu athæfi starfsmanns Burger King fer eins og eldur í sinu um internetið

Myndband af ógeðfelldu athæfi starfsmanns Burger King fer eins og eldur í sinu um internetið
Matur
Fyrir 2 vikum

Þetta er mataræðið sem á að vera betra en ketó

Þetta er mataræðið sem á að vera betra en ketó
Matur
Fyrir 2 vikum

Pítsa endist lengur inni í ísskáp en þú heldur – Bara ekki gera þessi mistök

Pítsa endist lengur inni í ísskáp en þú heldur – Bara ekki gera þessi mistök