fbpx
Laugardagur 30.maí 2020
Matur

Coca-Cola setur kóladrykk með kaffibragði á markaðinn – Misheppnaðist 2006 en nú verður reynt aftur

Kristján Kristjánsson
Mánudaginn 3. júní 2019 21:30

Coca-Cola Blak

Ekki missa af Helstu tíðindum dagsins í pósthólfið þitt

Lesa nánar

Drykkjarvöruframleiðandinn Coca-Cola ætlar að setja kóladrykk, Coca-Cola, með kaffibragði á markaðinn á næstunni og mun drykkurinn fást um allan heim. Fyrirtækið reyndi að markaðssetja þennan sama drykk 2006 en það mistókst og var hann tekinn af markaði 2008. En nú verður reynt á nýjan leik enda telur fyrirtækið að neytendur séu nú tilbúnir til að kaupa þennan drykk.

„Coca-Cola Blak“ var, eins og fyrr segir, tekið af markaði 2008 eftir aðeins tvö ár. Drykkurinn er hefðbundið Coca-Cola með kaffibragði og virtust viðskiptavinir ekki hrifnir af honum. CNN hefur eftir Nancy Quan, yfirmanni tæknimála hjá Coca-Cola, að fyrirtækið hafi verið á undan sinni samtíð með þessum drykk. Viðskiptavinirnir hafi ekki verið reiðubúnir til að samþykkja Coca-Cola með kaffibragði árið 2006.

En smekkur fólks breytist með tímanum og því telur Coca-Cola að markaðurinn og neytendur séu nú reiðubúnir til að taka vel á móti þessum drykk. Á undanförnum árum hefur Coke sett vörur, sem líkjast Coca-Cola Blak, á markað í nokkrum löndum. Þeir heita til dæmis Coca-Cola Plus Coffee og Coca-Cola With Coffee. Þessar tegundir innihalda meira koffín en hið upprunalega Coca-Cola Blak.

Nú er til dæmis hægt að fá kaffiafbrigði af Coca-Cola í Ástralíu, Ítalíu, Spáni, Taílandi og Póllandi. Móttökurnar hafa verið svo góðar að sögn talsmanns Coca-Cola að þessar tegundir verða settar á markað í 25 löndum til viðbótar á þessu ári. En stærsta prófraunin verður bandaríski markaðurinn. Þess er vænst að drykkurinn komi á markað þar á næsta ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 vikum

Landsliðskokkar opna sælkerabúð – Svona slærðu í gegn heima hjá þér

Landsliðskokkar opna sælkerabúð – Svona slærðu í gegn heima hjá þér
Matur
Fyrir 2 vikum

Brauð til að monta sig af: Kolbikasvart súrdeigsbrauð

Brauð til að monta sig af: Kolbikasvart súrdeigsbrauð
Matur
Fyrir 3 vikum

Ketóhornið: Súkkulaðibitasmákökurnar sem eru að gera allt vitlaust á TikTok

Ketóhornið: Súkkulaðibitasmákökurnar sem eru að gera allt vitlaust á TikTok
FókusMatur
Fyrir 4 vikum

Súrdeigsæði landsmanna nær nýjum hæðum með þessum brauðum

Súrdeigsæði landsmanna nær nýjum hæðum með þessum brauðum
Matur
24.04.2020

Daníel Ólíver hefur lært þetta eftir tæp tvö ár á ketó

Daníel Ólíver hefur lært þetta eftir tæp tvö ár á ketó
Matur
23.04.2020

Þetta borðar Eva Laufey á venjulegum degi

Þetta borðar Eva Laufey á venjulegum degi