Veganismi hefur verið vinsælastur í heimi á Íslandi síðastliðna tólf mánuði samkvæmt gögnum frá Google Trends. Þá hefur verið leitað að einhverju vegan tengdu mest á Íslandi miðað við fólksfjölda.
Chef‘s Pencil greinir frá. Fyrr á árinu fjallaði Chef‘s Pencil um í hvaða löndum veganismi var vinsælastur árið 2018. Ástralía, Bretland og Nýja-Sjáland voru í efstu sætum. Einnig var stuðst við gögn frá Google Trends, hinsvegar voru ekki smáar þjóðir, eins og Ísland, með í þeim útreikningi.
En nú er hægt að hafa fámennar þjóðir með og breyttust niðurstöðurnar töluvert. Ísland trónir nú toppinn á listanum yfir þær þjóðir þar sem veganismi hefur verið vinsælastur síðastliðna tólf mánuði.
Í öðru sæti er Bretland, í þriðja og fjórða sæti eru eyjurnar Jesrsey og Guernsey.
Vinsælar leitir Íslendinga um veganisma eru meðal annars vegan uppskriftir, vegan fæði og veganistur.
Chef‘s Pencil ræðir við Linneu Hellström, yfirkokk og eiganda Veganæs í Reykjavík, Ragnar Freyr sem er maðurinn á bakvið Vegan Ísland smáforritið og Valla Gunnlaugsson, forstjóra Íslensku flatbökunnar um ástæðurnar á bakvið vinsældir veganisma á Íslandi.l
Þau nefna dýraverndunar-, umhverfis- og heilsusjónarmið. Linnea og Valli nefna einnig að aukinn ferðamannastraumur á Íslandi hafi jákvæð áhrif á vegan veitingastaði og segja að vegan ferðamenn velja oftast vegan staði.