Dr. Michael Mosley segir í grein í Mail on Sunday að BMI stuðullinn, sem notaður er til að ákvarða hvort fólk er í yfirþyngd, sé gallaður og mælir þess í stað með bandspottaprófinu.

Prófið er einfalt og á að geta sagt þér hvort þú ert í yfirþyngd eður ei að sögn læknisins og hvort þú þurfir að endurskoða matarvenjur þínar.

Prófið virkar svona:

Náðu þér í bandspotta og mældu hann jafn langan og hæð þín er.

Taktu spottann saman í miðju þannig að bandið sé tvöfalt.

Taktu nú tvöfalda bandið og athugaðu hvort þú náir því allan hring um þig miðjan. Ef það tekst ertu í góðum málum, ef ekki ertu í yfirþyngd.