Samkvæmt Landbúnaðar-ráðuneyti Bandaríkjanna, USDA, hefur Tyson Foods þurft að innkalla hátt í sex milljónir kílóa af frosnum kjúklingi vegna þess að í honum mátti finna málmbúta.
Þessi aðgerð er í raun framhald af innköllun sem átti sér stað þann 21. mars, en þá var um 31.000 kíló af kjúklingi að ræða.
Vandamálið kom í ljós þegar Landbúnaðar-ráðuneytið fékk tvær kvartanir varðandi „utanaðkomandi efni“ í vörum sem innihéldu frosna kjúklingastrimla. Kvartanirnar eru nú orðnar sex talsins og dæmi um áverka í munni eru þrjár, en ráðuneytið segir að um málmbúta sé að ræða.
Landbúnaðar-ráðuneytið setur þessa yfirlýsingu sína í „Flokk I“, sem þýðir „kringumstæður þar sem vara getur mögulega haft alvarleg og skaðleg áhrif á heilsu, gæti valdið dauða,“ en ráðuneytið biður alla um að forðast það að neyta þessa varnings „það á annaðhvort að henda eða skila þessum vörum til seljenda,“
Vörurnar sem voru afturkallaðar af Tyson voru framleiddar á milli 1. október 2018 og 8. mars 2019 og renna ekki út fyrr en ári eftir að þær voru framleiddar.
Þessar vörur komu þó ekki bara seldar í umbúðum frá Tyson Foods heldur líka hjá Publix, Kirkwood, Giant Eagle, Hannaford, Food Lion, Best Choice, Great Value, Meijer og Spare Time. Vörunum var dreift víðsvegar um Bandaríkin.
Tyson Foods er einn stærsti kjöt-framleiðandi og dreifingaraðili heims en þessar fregnir gætu haft varanleg áhrif á vörumerkið.
