„Vont nammi er versti hönnunarglæpurinn. Því fylgir sóun á sykri og hamingju og bitnar verst á þeim hóp sem ekki má við slíkum vonbrigðum; börnum og fullorðnu fólki sem þarf nammi til að takast á við áskoranir sínar.“
Þetta segir Nína Richter, fjölmiðlakona á RÚV, á Twitter-síðu sinni og tilnefnir sjálf súkkulaðitrítla frá Nóa Síríus sem versta nammið á Íslandi. „Óskiljanlega vont,“ segir hún og óskar eftir fleiri tilnefningum í sínum þræði.
Þá er óhætt að segja að svörin standa ekki tóm og hrönnuðust inn ýmsar tillögur sem gætu fallið undir þessa lýsingu.
„Þristur er verri,“ svarar einn netverji. Þá bætir annar við:
„Möndlur. Það er ekki einu sinni hægt að háma þær í sig.“
Einnig eru ýmis ummæli að finna þar sem notendur synda gegn straumnum.
Maltesers er all time verst
— Ella María Gunnars (@Sprellvis) May 26, 2019
Allt appelsínusúkkulaði og All Sorts og súrt sykrað hlaup og danskur lakkrís og kúlusúkk
— Valgerður Guðmunds (@ValgerdurGG) May 26, 2019
Breskur lakkrís og allt með salthnetum. Mig klígjar við tilhugsunina um Snickers ??
— Ásdís (@asdiso) May 26, 2019
Twizzler. pic.twitter.com/OALhjNIXMZ
— Sigmundur Halldorsso (@simmix1) May 27, 2019
— Skúli Arnar (@SkliArnar) May 26, 2019
Rjómasúkkulaði með appelsínubragði, sérstaklega þegar maður býst ekki við því. Sérstakur staður í helvíti fyrir þann sem fannst þetta vera góð hugmynd til að byrja með.
— Bjarki Eiríksson (@BjarkiEiriksson) May 27, 2019
Þá kemur einn notandi og tilnefnir Nóa konfekt, sem Nína tekur heilshugar undir. „Mjög sammála þér með Nóa konfektið,“ segir Nína. „Þetta bragðast allt eins og matarlím og brúnn matarlitur.“
En hvað segja lesendur?