Jenna Jameson, fyrrum klámstjarna, hefur verið formlega í heilt ár á ketó-mataræðinu. Til að fagna áfanganum gerði hún eitt mjög „Jennu-legt“: Deildi fyrir og eftir mynd.
Í nýjustu Instagram-færslu Jennu deildi hún mynd af árangrinum sem hún hefur náð á ketó. Hún hefur misst tæplega 40 kíló.
„Í dag fagna ég eins árs afmæli mínu á #ketó. Mér hefur aldrei liðið betur! Edrúmennska, ketó lífsstíll og tímabundin fasta er fullkomin þrenna fyrir mig þegar kemur að heilbrigðum og varanlegum lífsstíl. Takk fyrir að styðja mig og vera með mér í þessari leit að heilsu. Ég elska ykkur!“
Jenna ákvað að prófa mataræðið eftir að hafa átt dóttur sína, Batelli. Meginmarmið Jennu var að geta leikið við hana.
„Ég var sljó og átti erfitt með auðveldustu hluti eins og að ganga í sandinum á ströndinni með Batelli. Mér leið illa andlega og líkamlega,“ skrifaði Jenna í fyrstu færslu sinni um ketó á Instagram í júlí 2018.
Á þeim tíma hafði hún verið á ketó í fjóra mánuði og hafði þegar séð og fundinn mikinn mun á sér.
„Þetta hefur ekki aðeins gefið mér árangur líkamlega. Ég er hamingjusamari, klárari og öruggari.