Það hefur væntanlega ekki farið framhjá neinum að Ísland keppir í fyrri undanriðli Eurovision í kvöld og hefst bein útsending klukkan 19 á RÚV. Einhverjir hugsa sér eflaust gott til glóðarinnar og ætla að blása til Eurovision-partís, en við á matarvefnum ákváðum að bjóða upp á nokkrar tillögur að réttum frá þeim löndum sem keppa í kvöld.
Lag í Eurovision: Zero Gravity – Kate Miller-Heidke
Kaka – hráefni:
125 g mjúkt smjör
1 bolli smjör
1 tsk. vanilludropar
3 egg
1 3/4 bolli hveiti (sigtað)
½ bolli mjólk
Krem – hráefni:
3½ bolli flórsykur
1/4 bolli kakó
1 msk. mjúkt smjör
½ bolli sjóðandi heitt vatn
2 bollar kókosmjöl
Aðferð:
Byrjum á kökunni. Hitið ofninn í 180°C og takið fram form sem er sirka 30 sentímetra langt. Klæðið það með smjörpappír þannig að hann nái aðeins upp á hliðarnar. Þessa er auðvitað líka hægt að gera í ofnskúffu en þá þarf að tvöfalda uppskriftina. Hrærið smjör og sykur vel saman og bætið síðan vanilludropunum út í. Bætið eggjunum saman við, einu í einu. Blandið helmingnum af hveitinu saman við og hrærið, síðan helmingnum að mjólkinni og því næst restinni af hveitinu og mjólkinni. Hrærið þar til allt er vel blandað saman. Hellið deiginu í formið og passið að það nái út í alla kanta. Bakið í um hálftíma. Leyfið kökunni að kólna í forminu í sirka korter og skellið henni síðan á ílangan disk. Hyljið hana með viskastykki og leyfið henni að standa yfir nótt. Skerið kökuna síðan í litla bita.
Svo er það kremið. Blandið öllu saman nema kókosmjölinu og hrærið vel saman. Stingið hníf í bita af kökunni og dýfið ofan í kremið. Drissið síðan kókosmjölinu yfir og setjið kökubitann á smjörpappírsklæddan bakka. Endurtakið með alla bitana og leyfið kreminu að storkna áður en þið gúffið í ykkur.
Lag í Eurovision: Look Away – Darude & S. Rejman
Fylling – hráefni:
2 bollar vatn
1 bolli brún hrísgrjón (má nota hvít)
2 bollar mjólk
salt eftir smekk
Smjörblanda – hráefni:
100 g smjör (brætt)
3 msk. nýmjólk
Botn – hráefni:
½ bolli vatn
1 tsk. salt
1 bolli rúgmjöl
1/4 bolli hveiti
Eggjasmjör – hráefni:
100 g mjúkt smjör
2 harðsoðin egg (söxuð)
smá pipar eftir smekk (má sleppa)
Aðferð:
Byrjum á fyllingu. Setjið vatn og hrísgrjón í pott og náið upp suðu. Setjið lok á pottinn og látið malla yfir lágum hita í 20 mínútur. Hrærið við og við í blöndunni. Bætið mjólk og salti saman við og leyfið þessu að malla þar til hrísgrjónin eru búin að taka í sig alla mjólkina og blandan er dásamlega krímí.
Svo er það smjörblandan. Blandið smjöri og mjólk vel saman og setjið til hliðar.
Því næst er það botninn. Hitið ofninn í 230°C og setjið smjörpappír á ofnplötur. Blandið öllum hráefnum saman og hnoðið þar til deigið er orðið þétt í sér. Skiptið deiginu í 8 til 10 hluta og fletjið hvern hluta út í sporöskjulaga hring. Setjið 2-3 matskeiðar af fyllingu í miðjuna á hverjum hring og krumpið síðan hliðarnar inn á fyllinguna, þannig að það sjáist vel í hana í miðjunni. Penslið deigið með smjörblöndunni og setjið inn í ofn. Bakið í um 12-15 mínútur. Takið plötuna út eftir sirka sex mínútur og penslið aftur. Þegar bökunartíminn er liðinn takið þið plötuna úr ofninum og penslið botninn aftur með smjörblöndunni. Leyfið þessu að kólna lítið eitt áður en þetta er borið fram, en þetta er best að mínu mati við stofuhita.
Með bökunni fylgir svo eggjasmjörið. Þeytið smjörið í 3-5 mínútur. Blandið síðan eggjunum saman við og pipar.
Lag í Eurovision: Better Love – Katerine Duska
Hráefni:
1½ bolli tómatar (3–4 tómatar), smátt saxaðir
100 g fetaostur, maukaður með gaffli
1 stór rauðlaukur, rifinn
1 msk. steinselja, fínt söxuð
1 msk. mynta, fínt söxuð
1 tsk. þurrkað oreganó
½ bolli hveiti
1 tsk. lyftiduft
salt og pipar
olía til steikingar
Aðferð:
Takið skinnið af tómötum áður en þið saxið þá. Setjið þá í skál með salti og látið þá liggja í saltinu í 30 mínútur. Blandið tómötunum síðan saman við laukinn og því næst kryddjurtirnar og fetaostinn. Blandið hveiti og lyftidufti saman í annarri skál. Blandið hveitiblöndunni við tómatblönduna þar til allt er vel blandað saman og blandan nógu stíf til að búa til kúlur úr henni. Hægt er að bæta við hveiti ef þarf. Setjið í ísskáp í 30 mínútur. Setjið olíu í pönnu, nóg til að hylja botninn á henni. Hitið yfir meðalhita. Setjið tómatkúlurnar í heita olíuna en gott er að nota ausu eða skeið sem er bleytt með vatni til að setja kúlurnar á pönnuna og taka þær af henni. Steikið tómatkúlurnar í 2 til 3 mínútur á hverri hlið þar til þær taka góðan lit. Leggið þær til þerris á pappírsþurrku og berið fram með góðri jógúrtsósu.
Lag í Eurovision: Wake Up – Eliot
Hráefni:
2¼ bolli hveiti
1 msk. lyftiduft
3 msk. sykur
½ tsk. salt
1 tsk. kanill
2 stór egg
½ bolli grænmetisolía
2 bollar mjólk
1 tsk vanilludropar
Aðferð:
Hitið vöfflujárnið, þá járn sem hentar fyrir belgískar vöfflur sem eru talsvert þykkari en hefðbundnar vöfflur. Blandið hveiti, lyftidufti, sykri, salti og kanil saman í skál. Stífþeytið eggjahvíturnar í tandurhreinni skál og setjið til hliðar. Blandið eggjarauðum, olíu, mjólk og vanilludropum í enn annarri skál. Blandið eggjarauðublöndunni við þurrefnin og hrærið vel. Blandið eggjahvítum varlega saman með sleikju. Hellið slatta af deigi í vöfflujárnið og eldið samkvæmt leiðbeiningum á járninu. Berið strax fram með smjöri, sírópi, flórsykri eða hverju sem er.
Lag í Eurovision: Storm – Victor Crone
Hráefni:
4–5 soðnar kartöflur
2 soðnar gulrætur
1 soðið egg
100 g soðnar pylsur
½ agúrka
1 epli
100 g grænar baunir
200 g sýrður rjómi
200 g mæjónes
salt og pipar
Aðferð:
Takið hýði af kartöflum og gulrótum og saxið í litla teninga. Skerið eggið í bita. Saxið gúrku, epli og pylsur í litla teninga. Blandið öllu saman við sýrðan rjóma og mæjónes. Saltið og piprið. Látið salatið inn í ísskáp í 2 klukkutíma áður en það er borðað.