Það hafa hugsanlega einhverjir tekið eftir því að athafnakonan og fyrrverandi klámstjarnan Jenna Jameson hefur verið á ketó mataræðinu síðustu mánuðina. Hún hefur náð að umbylta lífi sínu á mataræðinu, búin að grennast mikið og hefur aldrei liðið betur að eigin sögn.
Jenna hefur leyft fylgjendum sínum á Instagram að fylgjast vel með ketó-ferlinu og býður oft upp á ráðleggingar fyrir þá sem vilja borða eftir mataræðinu.
View this post on Instagram
Í nýrri Instagram-færslu fer hún yfir hve einfalt það er að vera á ketó-mataræðinu með börn.
„Núna eru stjúpsynir mínir þrír hér næstu mánuðina og þá er mikilvægt að ég einbeiti mér og haldi mér á beinu brautinni,“ skrifar Jenna og heldur áfram. „Það er ekki auðvelt að undirbúa máltíðir fyrir börn og forðast kolvetni. Þannig að ég elda mat sem við getum öll borðað saman á sama tíma og ég sleppi kolvetnum á einfaldan hátt.“
Í framhaldinu lýsir Jenna því hvernig hún gerir þetta.
„Ég elska að elda spagettí bolognese fyrir þá og ég borða mitt með kúrbítsnúðlum! Ég steiki líka kjúkling eða steik með kartöflum en sleppi kartöflunum. Boðskapur þessarar færslu er: Það er ekkert mál að vera ketó mamma.“
