Á samfélagsmiðlinum Reddit er að finna ansi marga áhugaverða hópa, þar á meðal hópinn Instagramreality þar sem ýmislegt af Instagram er skeggrætt.

Nú hefur íslensk kona, Unnur María Steinþórsdóttir, hlotið umdeilda frægð innan hópsins eftir að hún birti mynd af matnum sínum á veitingastaðnum Sketch í London.

Skjáskot af Instagram-færslu Unni Maríu má sjá hér fyrir neðan, en Reddit-liðar slá því föstu að matur á disk Unnar Maríu sé fótósjoppaður á diskinn:

Búið er að skrifa tæplega fjögur hundruð athugasemdir við færsluna. Furða margir sig á því að einhver myndi fótósjoppa mat á mynd og skilja einhverjir hvorki upp né niður í myndinni. Myndin hefur svo sannarlega valdið mörgum heilabrotum.

„Hvað í andskotanum er ég að horfa á? Það hvílir bölvun á þessari mynd,“ skrifar notandinn Calamityclams.

Einnig er rætt um myndina í hópnum Iceland á Reddit, en þar bendir notandinn Oswarez að steikin gæti litið út fyrir að vera fótósjoppuð vegna filtersins sem er notaður á myndina.

„Það er nokkuð augljóst að þetta er filterað í drasl. Filterinn gerir útlínur flata mjög augljósa og þess vegna lúkkar þetta illa photosjoppað. Sjáið hárið á gellunni, það er eins og það sé málað,“ skrifar hann. Notandinn Alliat á svo athugasemd athugasemdanna:

„Haha! Hólí mólí! Af hverju er maturinn fótósjoppaður á diskinn?“

Hvað segja lesendur DV – er steikin fótósjoppuð á diskinn?