Maðurinn minn gerir bestu kókoskúlur sem ég hef smakkað og ákváðum við að deila uppskriftinni með ykkur!
1 lítið mars.
1 plata suðusúkkulaði.
3 matskeiðar flórsykur/3 matskeiðar sýróp.
3 matskeiðar kakóduft.
1 matskeið vanilludropar.
2-3 bollar hafrar.
„Klípa“ smjörlíki.
Bræðið suðusúkkulaði og mars saman með klípu af smjörlíki. Bætið við vanilludropum og hrærið saman. Hellið þurrefnunum svo útí og blandið vel.
Hnoðið svo í litlar kúlur og veltið upp úr kókosmjöli.
Verði ykkur að góðu.
