Kokkurinn Ian hjá veitingastaðnum Greenhorns í Perth í Ástralíu hefur skapað hamborgara sem orð fá nánast ekki lýst. Við erum að tala um ostborgara sem er þakinn þykku lagi af brauðraspi og gúmmulaði og síðan djúpsteiktur – sannkölluð hamborgarasprengja.
Myndband af gerð borgarans má sjá á Instagram-síðu Cheatmeats og skiptist fólk klárlega í fylkingar um borgarann. Búið er að horfa á myndbandið tæplega 33 þúsund sinnum, en einn notandi lýsir borgaranum sem „hjartaáfalli á staðnum“.
„Ég veit ekki hvernig hann er hjúpaður en ég fæ samt vatn í munninn,“ skrifar annar Instagrammari og enn annar bætir við: „Þetta er kynþokkafyllsti borgari sem ég hef séð.“
Hins vegar eru einhverjir sem skilja ekkert í því af hverju einhver myndi búa til svona borgara og aðrir sem fá áfall yfir þessari kaloríubombu.
Dæmi hver fyrir sig. Hér fyrir neðan er myndbandið. Er þetta of mikið af því góða?