Athafnakonan Ása Regins er búsett á Ítalíu með eiginmanni sínum, knattspyrnukappanum Emil Hallfreðssyni, og börnum þeirra. Þau hjónin eru miklir matgæðingar og standa meðal annars í innflutningi á ostasnakki og ólífuolíu til Íslands.
Ása er mjög virk á Instagram og sýnir oft frá tilraunum sínum í eldhúsinni í sögu sinni á samfélagsmiðlinum. Eitt af því nýjasta sem hún deilir er ráð gegn matarsóun.
„Ein leið til að koma í veg fyrir matarsóun er að tæma grænmetisskúffuna reglulega og ofnbaka allt það grænmeti sem er orðið þreytt,“ skrifar Ása við mynd af brokkolí, gulrótum, paprikum og tómötum í sigti.
„Þreytt grænmeti orðið að girnilegum mat,“ skrifar Ása þegar að herlegheitin eru komin í eldfast mót, en hún kryddar grænmetið meðal annars með oreganó og timjan. Tómötunum blandar hún síðan við OLIFA ólífuolíu og basilíku og borðar kalt.