Flest vitum við að fyrsta máltíð dagsins er sú mikilvægasta. Brennslukerfi líkamans fer ekki almennilega í gang ef maður borðar ekki morgunmat. Fræ og ávextir eru hollur og góður kostur fyrir líkamann. Chia-fræ eru stútfull af góðum fitusýrum og eru einnig saðsöm. Það er betra að velja lífræna vöru ef maður vill taka þetta alla leið í hollustunni en þó ekki nauðsynlegt.
Hér er dásamlegur grautur sem tekur enga stund að gera. Þessi uppskrift inniheldur um 300 hitaeiningar.
2 msk Chia-fræ
1 msk hörfræ
1-2 msk bláber
1/2 tsk kanill
100 ml möndlumjólk
Allt sett í krukku og lokið sett á og hrist af og til næstu fimm mínúturnar.
Grauturinn er tilbúin eftir ca 1 klst. Fyrir þá sem kjósa að hafa Chia-fræin í mýkri kantinum, ættu að gera hann að kvöldi og geyma í ísskáp yfir nótt. Þetta er tilvalið sem nesti fyrir börnin í skólann og er þá hægt að bæta við banana eða rúsínum til að gera grautinn sætari ef vill. Gott er að setja smá af hnetum, möndlum eða kókos yfir grautinn, rétt áður en hann er borðaður.