fbpx
Sunnudagur 26.maí 2019
Matur

Reðasafnið samþykkir groddaralega kartöflu

Fókus
Mánudaginn 22. apríl 2019 11:30

Ekki missa af Helstu tíðindum dagsins í pósthólfið þitt

Lesa nánar

Hið íslenska reðasafn mun koma til með að stilla upp kartöflu frá Nova-Scotiu í Kanada sem hefur vakið sérlega mikla athygli að undanförnu. Þórður Ólafur Þórðarson, aðstoðarsafnstjóri Reðasafnsins, staðfestir þetta í samtali við fréttaveituna Halifax Today, en á miðlinum er rakin skrautleg saga umræddrar kartöflu.

Þetta hófst allt þegar hin kanadíska Trista Hallam keypti ýmist grænmeti í heimabæ sínum og blasti það strax við að ein kartaflan væri í laginu eins og karlmannslimur. Þá ákvað Trista að reyna að selja kartöfluna á Facebook, en myndin af grænmetinu fékk ekki að hanga lengi á samskiptavefnum áður en ljósmyndin var fjarlægð sökum þess að þykja of groddaraleg fyrir siðareglur Facebook.

Þá ákvað Hallam að besta leiðin til að vekja athygli á þessari kartöflu væri að stofna aðgang á stefnumótasíðunum Grindr og Tinder. Eftir að hafa vakið talsverða athygli þar og hlotið ýmsar beiðnir ákvað Hallam að reyna að hafa samband við Hið íslenska reðasafnið en aldrei grunaði hana að umtalaða kartaflan fengi samþykki.

Mynd: Trista Hallam

Í samtali við fréttaveituna segist Hallam hvorki hafa heimsótt reðasafnið né komið til Íslands, en segir hún hvort tveggja vera efst á sínum lista í náinni framtíð.

Hið íslenska reðasafn var stofnað árið 1997 af Sigurði Hjartarsyni, þá kennara á eftirlaunum, og er nú rekið af syni hans, Hirti Gísla Sigurðssyni. Vinsældir safnsins eru slíkar að það hefur orðið að vinsælum aðkomustað meðal ferðamanna og skipta gestir þess þúsundum á hverju ári og hefur það fengið athygli heimspressunnar, þar á meðal í kanadísku heimildarmyndinni The Final Member, sem fjallar um leiðangur safnsins til að verða sér úti um mannsreður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 6 dögum

Halle Berry ljóstrar upp hvernig hún hefur náð að vera á ketó svona lengi

Halle Berry ljóstrar upp hvernig hún hefur náð að vera á ketó svona lengi
Matur
Fyrir 1 viku

Einfaldir réttir fyrir Eurovision sem henta öllum

Einfaldir réttir fyrir Eurovision sem henta öllum
Matur
Fyrir 1 viku

Þetta eru hollustu bjórarnir sem þú getur drukkið

Þetta eru hollustu bjórarnir sem þú getur drukkið
Matur
Fyrir 1 viku

Eigandinn haltrandi í eldhúsinu: „Það hefur mikið gengið á í verksmiðjunni undanfarna daga“

Eigandinn haltrandi í eldhúsinu: „Það hefur mikið gengið á í verksmiðjunni undanfarna daga“
Matur
Fyrir 1 viku

Léttir réttir til að hringja inn sumarið – Drífðu þig inn í eldhús

Léttir réttir til að hringja inn sumarið – Drífðu þig inn í eldhús
Matur
Fyrir 1 viku

Sláandi myndband – Vinsælt eldunarsprey sagt valda sprengingum í eldhúsum – Bruni, blinda og afskræming

Sláandi myndband – Vinsælt eldunarsprey sagt valda sprengingum í eldhúsum – Bruni, blinda og afskræming