Oft langar mann að fá sér gott snarl en hefur kannski ekki mikinn tíma til þess að baka. Þá er gott að geta sett saman einfaldar en góðar uppskriftir með lítilli fyrirhöfn. Hér koma nokkrar uppskriftir sem þú einfaldlega skellir í bolla og hitar í örbylgjuofninum.
Innihald:
1 egg
1,5 msk. mjólk
Salt
Svartur pipar
1/4 brauðsneið
2 tsk. rjómaostur
Timjan eða graslaukur
Ca. hálf skinkusneið
Aðferð:
Pískið saman eggið og mjólkina með gaffli í bollanum. Saltið og piprið eftir smekk. Rífið brauðið í smá bita og hrærið út í ásamt skinkunni og rjómaostinum. Stráið svo timjan eða graslauknum yfir. Hitið svo í örbylgjuofninum í rúma mínútu eða þar til rétturinn er tilbúinn.
Innihald:
30 gr frosin bláber
1/4 bolli hörfræ
1/2 tsk. lyftiduft
2 msk. sykurlaust pönnukökusíróp
1 eggjahvíta
1/2 tsk. múskat
Aðferð:
Blandið þurrefnunum saman og bætið síðan eggjahvítunni og sírópinu við. Þekjið stóran bolla að innan með bökunarspreyi og hellið blöndunni í. Hitið í örbylgjuofninum í eina og hálfa mínútu eða þar til kakan er tilbúin.
Innihald:
3 msk. hveiti
1,5 msk. sykur
2 msk. púðursykur
1/8 tsk. salt
1/8 tsk. lyftiduft
1/8 tsk. matarsódi
1 egg
1/4 tsk. vanilludropar
1 msk. olía
1 msk. mjólk
1 þroskaður banani
Aðferð:
Þekja skal stóran bolla að innan með bökunarspreyi. Blandaðu saman þurrefnunum ásamt egginu og pískaðu saman. Svo er vanilludropunum, olíunni, mjólkinni og banananum bætt saman við. Blöndunni er hellt í bollann og hitað í um það bil 2–3 mínútur.
Innihald:
60 gr rjómaostur
2 msk. sýrður rjómi
1 egg
1/2 tsk. sítrónusafi
1/4 tsk. vanilludropar
2,5 msk. sykur
Aðferð:
Blandaðu öllu saman í bolla eða skál. Hitaðu í 90 sekúndur á háum styrk og hrærðu í með um það bil 30 sekúndna millibili. Svo er kakan sett í kæli. Gott er að bæta muldum hnetum og ávöxtum ofan á.
Innihald:
1 msk. smjör
1/4 bolli hveiti
1 msk. sykur
1 msk. púðursykur
1/2 tsk. vanilludropar
Smá salt
1 eggjarauða
2 msk. súkkulaði í bitum
Aðferð:
Hitaðu smjörið í örbylgjuofninum þar til það bráðnar en það má ekki sjóða. Bættu sykrinum, vanilludropunum og saltinu saman við og hrærðu. Bættu eggjarauðunni svo saman við og hrærðu. Því næst er hveitinu bætt út í og loks súkkulaðibitunum. Blandan ætti að líkjast kökudeigi. Hitaðu í örbylgjuofninum í 40–60 sekúndur, en það ætti ekki að taka lengri tíma.