Kona nokkur birtir sláandi mynd á Facebook af sykurmagni í Creme Eggs, eggjum sem eru afar vinsæl um páska í Bretlandi, og reyndar á öðrum tímum víðs vegar um heiminn. Mirror segir frá málinu.
Á myndinni sést það svart á hvítu hve mikill sykur er í einu Creme Egg sem vegur 34 grömm. Móðirin varar aðdáendur eggjanna við myndinni.
„Svona mikill sykur í EINU Creme Egg?? Getur það verið…fjandinn hafi það!“
Margir skrifa athugasemdir við myndina og einhverjir ætla samt að halda áfram að borða eggin góðu.
„Creme eggs eru of góð til að standa í þessari vitleysu,“ kemst einn að orði. Þá vilja einhverjir meina að allur þessi sykur komist ekki fyrir í einu, litlu eggi.
„Svona mikill sykur kemst ekki fyrir í egginu. Þetta er lygi.“
Í grein Mirror er tekið fram að ekki sé ljóst nákvæmlega hve mikill sykur sé í Creme Egg, en talið er að það sé á bilinu 20 til 25 grömm.