Raunveruleikastjarnan Briana Culberson fagnaði 32ja ára afmælisdegi sínum fyrir stuttu og ákvað að gera aldeilis vel við sig.

Briana er hvað þekktust fyrir að vera dóttir Vicki Gunvalson, stjörnunnar úr Real Housewives of Orange County, og hefur misst tuttugu kíló síðan hún byrjaði á ketó-mataræðinu. Þá er hún með sjálfsofnæmissjúkdóminn Rauðir úlfar og segir að hún verði minna vör við sjúkdóminn á ketó.

Briana ákvað að svindla á mataræðinu á afmælisdaginn og deildi svindlmáltíðinni með fylgjendum sínum á Instagram. Fyrst fékk hún sér kjúkling, vöfflur og pasta með osti.

„Ég þarf hjólbörur til að rúlla mér út,“ skrifaði Briana við myndina og deildi síðan mynd af súkkulaðikaffidrykk.

Því næst deildi hún mynd af bjór og greinilegt að dagurinn hafi verið dásamlegur í alla staði.