Ég er rosalega matvönd manneskja – eiginlega vandræðalega matvönd. Eitt af því sem ég elska að borða er fiskur! Fjölskyldan mín er svo heppin að við fáum nýjan fisk. Þar að segja fisk sem er veiddur á togara og frystur um borð svo hann kemur ferskur til okkar. Ég ætla að deila með ykkur uppskrift af fisk sem að slær alltaf í geng á mínu heimili og er mjög vinsæll. Þetta er ofnbakaður fiskur með hrísgrjónum og grænmeti í rjómaostasósu.

Uppskrift – Fiskur sem allir elda

Það sem þú þarft í þessa uppskrift er eftirfarandi:

• 2 meðalstór flök af fiski
• Einn laukur
• Sveppir
• 1 paprika
• Eitt bréf af beikoni
• 1/2 líter rjómi
• 1/2 piparostur & 1/2 villisveppaostur (það má alveg nota aðra osta)
• 1 matskeið smurostur (ég nota beikonost)
• 1/2 súputeningur (ég nota grænmetistening)
• 1 poki hrísgrjón
• 1 poki rifinn ostur

Aðferð:

Byrjið á hita ofninn við 180° C á blástur. Setjið hrísgrjónin í pott og leyfið að sjóða samkvæmt leiðbeiningum á pakkanum.
Setjið pönnu á heita hellu og leyfið að hitna vel. Á meðan pannan hitnar skerið þá beikonið í litla bita. Beikonið fer svo á sjóðheita pönnuna og steikist vel. Á meðan kjötið eldast skerið þá niður restina af grænmetinu sem að þið notið. Þegar beikonið er orðið steikt bætið þá restinni af grænmetinu út á pönnuna og lækkið hitan (á sirka 4) og leyfið að malla.

Þegar hrísgrjónin eru soðinn takið þau af, hellið vatinu frá og leyfið að standa í sirka 5 mínútur. Þegar grænmetið er orðið létt steikt er allt í lagi að slökkva á hellunni undir pönnunni og leyfa því bara að standa þar til sósan er klár.

Setjið sirka 5 matskeiðar af vatni ásamt hálfum súputening í bolla og hitið í sirka 30 sekúndur í örbylgjuofni. Hrærið í blöndunni svo að teningurinn leysist upp. Hellið vatninu í pott og skerið ostana í bita og bætið út í. Hafið hitan á hellunni sirka á 4-5 svo þetta bráðni án þess að brenna við. Ef að ykkur finnst blandan of þykk er allt í lagi að bæta smá meira vatni við.
Þegar ostarnir eru bráðnaðir bætið þá rjómanum út í og hitið saman (án þess að láta sjóða).

Þegar sósan er tilbúin takið þá eldfast mót. Setjið hrísgrjónin og grænmetið í botninn og blandið saman. Bætið sósunni út í og blandið vel saman svo hún sé alls staðar (ég skil alltaf smá eftir til að setja ofan á fiskinn). Skerið fiskinn í litla bita og raðið í formið. Setjið smá sósu ofan á og svo rifinn ost. Fiskurinn fer svo inn í ofn í sirka 25 mínútur eða þar til að osturinn verður orðinn gulbrúnn.

Það er rosalega gott að hafa salat með þessum fiski & ef ég hef nógan tíma bý ég stundum til brauðbollur úr heilhveiti og ber fram með!

Uppskriftin er frá Stefaníu Hrund og birtist upphaflega á Vynir.is