Heitar umræður hafa skapast innan Reddit-hópsins Expectation Vs. Reality, eða Væntingar og raunveruleiki, eftir að notandi sem kallar sig mugen_spiegel birti mynd af pítsu sem hann fékk um borð í vél Icelandair fyrir stuttu.
Notandinn birtir mynd af pítsunni í matseðli Icelandair við hlið mynd af pítsunni sem hann fékk og athugasemdirnar hrannast inn. Finnst flestum pítsan sem hann fékk líkari einhverju allt öðru en pítsu, nánar til tekið hundamat, sæði eða forhúðarosti.
„Vinur, þetta er ekki ostur. Þetta er brundur. Ekkert nema brundur,“ skrifar notandinn EnnardOfInside og ansi margir taka í sama streng. „Brundpítsa. Sérréttur þeirra,“ skrifar ReFreshing og Distantexplorer spyr: „Hver brundaði í naan brauðið mitt?“ Reddit-liðinn jjky665678 segir einfaldlega: „Gómsætur forhúðarostur.“
Notandinn Snakefist1 skrifar: „Ég myndi segja að þetta væri hundamatur,“ á meðan Blebubb skrifar: „7 evrur fyrir þessa ælu. Glatað.“ Þá býður notandinn JRockPSU upp á sniðugan brandara. „Þið þekkið frasann: Kynlíf er eins og pítsa, það er gott jafnvel þegar það er slæmt? Nú, stundum geturðu fengið herpes af kynlífi.“
Margir koma þó flugfélaginu til varnar og benda á að ekki sé hægt að búast við gómsætum mat um borð þar sem enginn ofn sé í flugvélum. Því sé það óviturlegt að panta sér pítsu í flugvél. Þá er einnig mikið rætt um verðlagið á Íslandi og einhverjir halda því fram að pítsur almennt séu vondar hér á landi.
Búið er að skrifa tæplega tvö hundruð athugasemdir við pítsuna frægu þegar þetta er skrifað og geta þeir sem vilja skemmt sér við að lesa þau með því að smella hér.