Þolin sterkja, eða það sem er kallað á ensku „resistant starch“ er engin venjuleg sterkja. Þolin sterkja umbreytist ekki í orku heldur virkar frekar eins og trefjar, hefur stjórn á blóðsykrinum og er afar góð fyrir meltinguna.

Þolna sterkju er að finna í ýmsum matvælum, svo sem kartöflum, hörfum og banönum, en einnig tortilla-pönnukökum sem eru afar vinsælar hér á landi.

Í grein á Women’s Health er farið yfir kosti þolinnar sterkju, og mælt með því að fólk borði matvæli sem innihaldi slíka sterkju á hverjum degi, sérstaklega vegna þess að hún er góð fyrir þarmaflóruna.

Í greininni kemur í ljós að það hvernig maður geymir og eldar matvæli með þolinni sterkju hefur áhrif á virkni sterkjunnar. Til dæmis er það tekið sérstaklega fram að magn þolinnar sterkju eykst í tortilla-pönnukökum ef þær eru geymdar við stofuhita. Því á alls ekki að geyma pönnukökurnar í ísskáp, heldur leyfa þeim að liggja vel innpökkuðum á borðfleti þar til þeirra er neytt.