Jenna Jameson, ketó-drottning og fyrrverandi klámstjarna, deilir reglulega upplifun sinni af ketó mataræðinu og myndum af sér fyrir-og-eftir að hún fór á ketó. Hún hefur misst tæplega 40 kíló eftir að hún stökk á ketó lestina.
Í nýjustu Instagram færslu sinni deilir hún því með fylgjendum sínum hvernig áfengi hefur öðruvísi áhrif á líkama hennar eftir að hún fór á ketó. Jenna, 44 ára, deilir einnig fyrir-og-eftir myndum með færslunni.
Jenna hefur aðallega þakkað ketó og „tímabundinni föstun“ (e. intermittent fasting“ fyrir að hafa grennst. En í þessari færslu ræðir hún einnig um hvað áfengi hafði neikvæð áhrif, bæði á þyngd hennar og almenna vellíðan.
„Það er mikilvægt að við tölum um afleiðingar af nýrri edrúmennsku. Hráar tilfinningar, ótti, óvissa um hvernig á að takast á við allar breytingarnar,“ skrifar Jenna og heldur áfram:
„Það góða vegur meira en allt annað, það er klárt mál. En þetta sýnir hversu mikil áhrif áfengi hefur á líkama þinn. Edrúmennska breytir leiknum. Þú ert ekki aðeins klár, skýr og hæf, heldur segir maginn bæ bæ! #Edrúmennska og #ketó eru best!“
Fyrrum klámstjarnan fagnaði þriggja ára og þriggja mánaða edrú afmæli í desember 2018. Hún hélt upp á það á Instagram og sagði edrúmennskuna vera „bestu gjöf sem ég hef einhvern tíma gefið,“ en þá var hún líklegast að tala um sig of fjölskylduna sína. Hún deildi þá einnig fyrir og eftir mynd.
Jenna er dugleg að deila fyrir-og-eftir myndum en hún segir það vera lykillinn að velgengni hennar. Hún opnaði sig um það fyrr í mánuðinum og mælti með að allir taki myndir af sér til að halda sér gangandi.
Sjá einnig: Svona nær Jenna Jameson árangri á ketó: „Ég get ekki lagt nógu mikla áherslu á þetta“
