Tónlistarmaðurinn John Legend er kvæntur ofurfyrirsætunni og matgæðingnum Chrissy Teigen, sem hefur gefið út tvær metsölu matreiðslubækur síðustu ár. Chrissy elskar að njóta þegar kemur að mat og er fræg fyrir að búa til „french toast“ og krabbakökur í morgunmat. Eiginmaðurinn snertir það hins vegar ekki á morgnana og fær sér bara salat í morgunmat, sem er harla óvenjulegt.

„Hún er ekki lengur í áfalli en þegar ég byrjaði á þessu spurði Chrissy: Hvað ertu að gera?“ segir John í samtali við tímaritið People. Ástæðan fyrir þessum morgunmat er hins vegar góð og gild.

„Læknirinn minn sagði við mig að ég þyrfti meira af andoxunarefni í mataræðið mitt því ég glími við arfgeng vandamál er varða kólestóról. Hann sagði mér að það væri gott að kljást við það með því að fá mér grænmeti með hverri máltíð. Morgunmat, hádegismat og kvöldmat,“ segir John. Tónlistarmaðurinn er ekkert ofboðslega hugvitssamur þegar kemur að morgunmat og fær sér einfaldlega kál með smá vinaigrette dressingu.