Það er ýmislegt sem barþjónum liggur á hjarta eins og sést best í grein sem Business Insider setti saman. Blaðamaður miðilsins spurði rúmlega þrjátíu barþjóna hvað þeir vildu að kúnnarnir á barnum vissu. Hér á eftir fylgja algengustu svörin:
„Þú ert vinalegur þegar þú færð þér bjór en djöfullegur með sterku víni.“
„Það tekur lengri tíma að borga með kredikorti en peningum þegar verið er að greiða einn drykk.“
„Fæstir veitingastaðir og barir þrífa ísvélarnar sínar reglulega.“
„Ég er ekki þjónn. Ég er ekki vænlegur bólfélagi. Ekki nýta þér þá staðreynd að ég þarf að koma fram við þig fagmannlega. Þetta er vinnustaðurinn minn, ekki húsið þitt. Þú ert gestur hér. Hagaðu þér eins og slíkur.“
„Ekki láta mig gera margarítu og panta síðan bjór fyrir vin þinn og fatta svo allt í einu að kærastan hans vildi margarítu líka.“
„Ég hata að sjá þig útataðan í mat á meðan sósa drýpur af þér og á barborðið. Hve sóðalegur er hægt að vera?“
„Ég veit að þú ert búinn að bíða um nokkra hríð. Það er góð ástæða fyrir því að ég er ekki búin að taka við pöntuninni þinni. Bíddu bara eins og allir aðrir! Allir vilja drykkina sína strax.“
„Barþjónninn vill ekki fara á stefnumót með þér.“
„Hættu að reyna að „vinna“ á barnum. Þú ert virkur alkóhólisti. Drekktu núna og farðu í vinnuna á morgun.“
„Tíminn er peningar og barstóllinn er eins og fasteign. Ekki biðja mig um að geyma sætið þitt. Baðstu mig um það gegn peningagreiðslu? Ef svarið er nei þá er svarið mitt nei.“
„Sumt fólk kaupir fullt af dýrum skotum þegar það er úti með vinum. Það er að reyna að líta vel út.“
„Þú gætir verið að borga 400% meira en hráefnakostnaðurinn er.“
„Það er hægt að sjá manngerðir út frá drykkjarpöntunum. Ef þú ert á bar með fullt af fólki þar sem er hávær tónlist og þú pantar eitthvað flókið metur þú greinilega ekki tíma annarra.“
