fbpx
Föstudagur 26.apríl 2019
Matur

Elísabet bjóst ekki við þessu þegar hún opnaði spínatpokann: „Ég fæ nú bara hroll“

Lilja Katrín Gunnarsdóttir
Miðvikudaginn 20. mars 2019 13:20

Þvoið spínatið. Elísabet gerði það og sér ekki eftir því.

Ekki missa af Helstu tíðindum dagsins í pósthólfið þitt

Lesa nánar

Elísabet Sigurveig Ólafsdóttir rak upp stór augu þegar hún ætlaði að búa sér til spínathristing úr spínati sem hún var nýbúin að kaupa. Í spínatpokanum leyndist nefnilega ansi pattaralegur snigill.

Hér má sjá pokann og snigilinn.

Eins og sést á meðfylgjandi myndum er spínatið merkt Krónunni en upprunalandið er Ítalía.

Upprunaland: Ítalía.

Elísabet birti myndir og myndbönd af sniglinum á Facebook-síðu sinni og segir í samtali við DV að það hafi verið meira til gamans gert. Færslan hefur skemmt vinum Elísabetar og benda margir á að þarna hafi hún fengið prótein ókeypis með, enda sniglar taldir herramannsmatur. Þó ekki allir sniglar, þar sem margir landsniglar eru of litlir til eldunar. Í Frakklandi er tegundin Helix pomatia oftast snædd og aðrar tegundir, eins og Elona quimperiana, eru vinsælar í Evrópu.

Mörgum vinum Elísabetar er brugðið yfir þessari uppgötvun og falla frasar eins og: „Oj“, „Nei, ojbara“, „Ég fæ nú bara hroll“ og „Oj barasta“.

Ein vinkona bendir á að þetta sé góðs viti þar sem þetta þýði að ekki sé búið að spreyja spínatið með miklu skordýraeitri fyrst snigillinn lifði af. Einhver stingur upp á að grilla snigilinn og svo er það þessi sem kemur með áhugaverðan punkt:

„Vissi ekki að með því að leyfa innflutning á fersku kjöti að það ætti líka að vera í salati……“

Í ljósi uppgötvunar Elísabetar er vert að minna landsmenn á leiðbeiningar Matvælastofnunar um meðferð á grænmeti:

* Þvoið hendur ávalt vandlega áður en farið er að vinna með matvæli. Hendur koma víða við og illa þvegnar hendur geta borið með sér alls konar örverur, margar hverjar sjúkdómsvaldandi. Ef sár eru á höndum ætti að nota hanska.

* Veljið ferskt hráefni sem ekki er farið að skemmast. Ferskt grænmeti á að hafa ferskan, eðlilegan lit og vera safaríkt.

* Hreinsið allt grænmeti vandlega. Fleygið visnuðum blöðum og skerið burt skemmdir og trénaða hluta.

* Skolið allt grænmeti vandlega. Grænmeti er ræktað í náinni snertingu við mold og jafnvel lífrænan úrgang og því er á því lífleg flóra af örverum sem getur borist í salatið og annan mat ef ekki er rétt að farið. Flestar eru þessar örverur meinlausar að öðru leyti en því að stytta geymsluþol grænmetisins en sumar þeirra geta verið sjúkdómsvaldandi. Skolun er góð leið til að fækka óæskilegum örverum eins og kostur er. Mælt er með skolun á þvegnu, pökkuðu blaðsalati fyrir neyslu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Kjötbollur sem erfitt er að standast

Kjötbollur sem erfitt er að standast
Matur
Fyrir 2 dögum

„Kynþokkafyllsti grænkerinn“ krýndur í fyrsta sinn – Sjáið keppendurna

„Kynþokkafyllsti grænkerinn“ krýndur í fyrsta sinn – Sjáið keppendurna
Matur
Fyrir 5 dögum

Fæðutegundir fyrir fullkomna húð

Fæðutegundir fyrir fullkomna húð
Matur
Fyrir 5 dögum

Fólk játar sína verstu matarskömm: „Það sorglegasta sem ég hef nokkurn tíma gert“ – „Ég fann æðarnar stíflast“

Fólk játar sína verstu matarskömm: „Það sorglegasta sem ég hef nokkurn tíma gert“ – „Ég fann æðarnar stíflast“
Matur
Fyrir 1 viku

Þetta skaltu aldrei gera þegar þú steikir beikon

Þetta skaltu aldrei gera þegar þú steikir beikon
Matur
Fyrir 1 viku

Er þetta ekki full langt gengið fyrir eitt djúsglas? Þið verðið að horfa til enda

Er þetta ekki full langt gengið fyrir eitt djúsglas? Þið verðið að horfa til enda