fbpx
Þriðjudagur 23.apríl 2019
Matur

Heimagerð tómatsósa að hætti Amöndu

Öskubuska
Laugardaginn 16. mars 2019 09:30

Ekki missa af Helstu tíðindum dagsins í pósthólfið þitt

Lesa nánar

Ég var vön að kaupa pastasósur eða jafnvel bara hreina maukaða tómata (tómat passata) í krukkum eða dósum og get notað töluvert af þeim. Ég ákvað því að prófa að búa til mína eigin tómatsósu þar sem ég er í þeirri vegferð að minnka einnota umbúðir og umbúðir almennt. Glerkrukkur þurfa vissulega ekki að vera einnota en ég á nú þegar nokkuð gott safn af krukkum svo ég vil ekki vera að sanka þeim að mér að óþörfu. Tómatana versla ég án umbúða í eigin grænmetispoka. Ítölsku kryddjurtirnar keypti ég í Matarbúri Kaju í eigin krukku en slík blanda ætti að vera til í flestum matvöruverslunum.

Ég hef sýnt frá gerð  tómatsósunnar minnar í instagram story en þetta er grunn uppskrift af tómatsósu sem ég nota í pasta og pottrétti og krydda svo aukalega eftir því hvað ég er að elda.

Ég er einnig viss um að þessi sósa yrði góð á pítsu! Mér finnst gott að búa til svolítið magn af sósunni í einu og skipta henni upp í krukkur sem ég geymi í frysti (passið bara að sósan sé orðin köld áður en krukkan fer í frystinn og ekki fylla krukkuna alveg upp í topp). Þá get ég tekið sósukrukku úr frystinum að morgni og eldað eitthvað gómsætt með henni seinna um daginn.

Þessi uppskrift býr til ca 10-11 dl af sósu sem ég skipti yfirleitt í 3 krukkur.

Hráefnin:

  • Í kringum 18 meðal stórir tómatar (verðið hefur yfirleitt verið í kringum 600kr. fyrir þetta magn).
  • 4-6 hvítlauksgeirar
  • Salt
  • Pipar
  • Ítalskar kryddjurtir
  • Ólífuolía

Aðferð:

Stillið ofninn ykkar á 200°C. Penslið stóra ofnplötu með ólífuolíu. Dreifið salti, pipar og ítölskum kryddjurtum yfir ofnplötuna ásamt grófsöxuðum hvítlauksgeirum.

 

Skerið stylkinn af tómötunum en leyfið kjarnanum að vera eftir. Skerið tómatana í tvennt og raðið á ofnplötuna þannig að kjarninn snúi að plötunni.

 

Bakið tómatana í ofninum í ca 35 mínútur og leyfið þeim svo að kólna.

 

Fjarlægið húðina af tómötunum, hún hætti að vera mjög laus.

 

Setjið allt innihald ofnplötunnar í blandara og blandið vel.

 

Sósan er tilbúin! Geymið í krukkum eða boxum. Ég hef geymt sósuna í ísskáp í nokkra daga (4-5 dagar) en geymi hana yfirleitt í frysti.

Njótið!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Algeng mistök í eldhúsinu – Þú hefur örugglega gert nokkur af þeim

Algeng mistök í eldhúsinu – Þú hefur örugglega gert nokkur af þeim
Matur
Fyrir 3 dögum

Hægeldað páskalamb sem svíkur engan – Sjáið uppskriftina

Hægeldað páskalamb sem svíkur engan – Sjáið uppskriftina
Matur
Fyrir 6 dögum

Hversu mikið af veitingum þarf fyrir veisluna?

Hversu mikið af veitingum þarf fyrir veisluna?
Matur
Fyrir 6 dögum

5 sekúndna ketó ís – Það eina sem þarf eru 2 hráefni

5 sekúndna ketó ís – Það eina sem þarf eru 2 hráefni
Matur
Fyrir 1 viku

Átta hugtök sem næringarfræðingar þola ekki að heyra

Átta hugtök sem næringarfræðingar þola ekki að heyra
Matur
Fyrir 1 viku

Hún gerði afdrifarík mistök í þynnkunni: „Það er hættulegt að borða hollt“

Hún gerði afdrifarík mistök í þynnkunni: „Það er hættulegt að borða hollt“