Listamaðurinn Hafsteinn Þór Guðjónsson, betur þekktur sem Haffi Haff, birtir sláandi mynd á Facebook-síðu sinni af spítalamat á Íslandi. Segist Haffi hafa heimsótt vin sinn á sjúkrahús og varla trúað eigin augum þegar að hann sá matinn.
„Hafið þið einhvern tímann velt fyrir ykkur hvernig spítalamatur lítur út? Jæja, hér er hann! Í allri sinni fegurð!“ skrifar Haffi á hæðinn hátt og heldur áfram.
„Hvernig á fólki að batna? Ég bæti við að þetta var borið fram þrjá daga í röð.“
Haffi vill sjá breytingar á mataræði sjúklinga strax.
„Þetta er skammarlegt. Þetta verður að breytast núna. Ég er ekki á sjúkrahúsi en þetta er vinur minn sem treystir á fólk að hjálpa honum.“
Myndin hefur vakið upp nokkur viðbrögð á Facebook-veggi Haffa og eru einhverjir á því að lítið framlag til heilbrigðismála sé ástæðan fyrir þessari dapurlegu matreiðslu.
