Fyrirsætan og sjónvarpskonan Hailey Baldwin var gestur í kvöldþætti James Corden í vikunni og þurfti að fara í sérstakan leik með sjónvarpsmanninum. Leikur gengur út á að gestir þurfa að svara óþægilegum spurningum eða borða ógeðisrétti.
Sjá einnig: Justin Bieber og Hailey stunduðu ekki kynlíf fyrir brúðkaup: „Ég vildi helga sjálfan mig Guði aftur“.
Hailey gekk að eiga söngvarann Justin Bieber seint á síðasta ári og greip James tækifærið í einni spurningunni. Spjallþáttastjórnandinn sýndi Hailey þrjár myndir af Justin með þrjár mismunandi hárgreiðslur og bað hana um að raða þeim í röð eftir því hver þeirra henni þótti verst og best.
Þessari spurningu neitaði Hailey að svara og þurfti því að borða einn ógeðisréttinn, eins og sést í myndbandinu hér fyrir neðan:
