Fræga fólkið þarf að sækja ansi mörg boð yfir árið, sem getur eflaust verið þreytandi. Oftar en ekki birtir það myndir af sér smjattandi á skyndibita eftir slíka viðburði, eða á meðan á þeim stendur, og er skemmtileg mótsögn fólgin í því að borða sveittan skyndibita í mörg hundruð þúsund króna galakjól.
Fyrirsætan Kendall Jenner gúffaði í sig ostapasta um leið og hún var búin að sýna undirföt fyrir tískurisann Victoria‘s Secret árið 2016.
Spjallþáttastjórnandinn Jimmy Fallon kom fyrirsætunni Gigi Hadid skemmtilega á óvart í settinu með því að bjóða henni upp á girnilegan hamborgara.
Stórleikonan Helen Mirren hlaut Óskarinn fyrir bestan leik í aðalhlutverki fyrir The Queen árið 2007 og fagnaði því með borgara.
Fyrirsætan og matgæðingurinn Chrissy Teigen klæddi sig í sitt fínasta púss í galaveislu og hámaði svo í sig hamborgara.
Systurnar Kendall og Kylie Jenner kunna að gera vel við sig. Hér eru þær uppstrílaðar með pítsu í hönd.
Söngkonan Christina Aguilera hefur í nægu að snúast yfirleitt og kjamsar á súkkulaði á ferðinni, sem er varasamt þegar maður klæðist hvítu.
Óskarsverðlaunin árið 2014 einkenndust af pítsaáti – meðal annars hjá leikkonunum Meryl Streep og Jennifer Lawrence.
Leik- og söngkonunni Zendaya finnst franskar greinilega mjög góðar.
Leikkonan Drew Barrymore fór rakleiðis og fékk sér pítsu eftir Golden Globe-hátíðina árið 2014.
https://www.instagram.com/p/jGJ6zvtRlL/?utm_source=ig_embed
Leikkonan Juliette Lewis var alsett fjöðrum eftir CFDA-verðlaunin árið 2015 og gat ekki farið að sofa áður en hún fékk sér ylvolga pítsusneið.
https://www.instagram.com/p/3akKPokz-s/?utm_source=ig_embed
Svo er það leikkonan Emma Roberts sem ákvað að fá sér borgarasnarl fyrir Golden Globe-hátíðina árið 2014.
https://www.instagram.com/p/jFl-K4C_DL/?utm_source=ig_embed
Það gerði Big Bang Theory-leikkonan Kaley Cuoco líka fyrir Emmy-verðlaunin árið 2014.
https://www.instagram.com/p/sIv389uWay/?utm_source=ig_embed