Það er víst nauðsynlegt að kíkja reglulega í matvöruverslun til að eiga eitthvað í ísskápnum og eldhússkápunum. Það gefur manni hins vegar ekkert sérstaklega mikið að eyða miklum tíma í matarinnkaup. Hér eru því nokkur ráð til að versla í matinn á hálftíma eða minna.
Ef þú vilt versla fyrir alla vikuna þá er mjög mikilvægt að skipuleggja nákvæmlega það sem þú ætlar að elda og hvaða hráefni þú þarft. Ef þú ert óákveðin/n í búðinni tekur verslunarferðin þig miklu lengri tíma.
Hvort sem það er í símanum eða á pappír, þá er mjög mikilvægt að lista upp allt sem þú ætlar að kaupa svo þú eyðir ekki öllum tímanum í að reyna að muna hvað þig vantar. Haltu þig síðan við listann því allir útirdúrar kosta þig dýrmætan tíma.
Ef það eru einhver matvæli á listanum sem þú þarft nauðsynlega á að halda er gott að hafa vörur til vara sem hægt er að kaupa í staðinn ef eitthvað er ekki til. Þannig forðastu óðagot og ofsahræðslu í búðinni og getur tekið rökstuddar og góðar ákvarðanir á örskotstundu.
Jú, vissulega blóta einhverjir öllum tilboðsbæklingunum sem vaða inn um lúguna, en hins vegar er gott að kynna sér tilboð og velja verslanir út frá þeim. Það er að segja, ef vörurnar sem þig vantar eru á tilboði eða afslætti.
Nú ert þú búin/n að skrifa innkaupalista. Þá er um að gera að skipta öllu sem þig vantar í flokka á mjög skipulagðan hátt. Settu til dæmis allar mjólkurvörur í sama flokk því þú veist að þær eru á sama svæði í búðinni. Með þessu móti hleypurðu ekki fram og til baka að óþörfu.
Mjög mikilvægt atriði. Þú ert búin/n að flokka matinn sem þig vantar – þá er gott að fara í búð sem þú þekkir. Þannig geturðu ákveðið á hvaða flokki þú ætlar að byrja og svo koll af kolli. Þvílíkur tímasparnaður.
Það er ekkert sérstaklega góð hugmynd að kíkja í búð eftir vinnu. Betra er að byrja daginn á verslunarferð eða jafnvel skjótast frá í hádeginu.
Ef þig vantar ekki mikið þá getur verið hraðvirkara að nota sjálfsafgreiðslustöðvarnar í matvöruverslunum. Ekki gera það samt ef þú hefur aldrei gert það áður og ert að flýta þér – það getur valdið panikkástandi.
Góð vísa er aldrei of oft kveðin. Þú kaupir meira og eyðir meiri tíma í búðinni ef hungrið er farið að segja til sín. Maður kemst oft í þrot í því ástandi – sérstaklega í matvöruverslunum.
Það getur líka truflað að líða illa inni í búðum, þá sérstaklega ef maður er þreyttur í fótunum og vill hraða sér á milli ganganna. Vertu í þægilegum skóm – lykilatriði.
Þetta segir sig sjálft – er það ekki?