Bolludagurinn er á næsta mánudag, þann 4. mars. Þó þú sért vegan þýðir það ekki að þú getir ekki fengið þér bollu á bolludaginn, eða hvað þá slatta af bollum.
DV ákvað að gera leiðarvísir fyrir vegan fólk á bolludaginn og tók saman hvar væri hægt að fá tilbúnar bollur og hvernig væri hægt að baka sínar eigin.
DV hringdi í um tíu bakarí til að kanna stöðuna. Tvö bakarí verða með vegan bollur laugardag, sunnudag og bolludaginn sjálfan, mánudag.
Kökulist
Kökulist verður með vegan bollur um helgina og á mánudaginn. Jón Arilíus bakari og eigandi Kökulist segir í samtali við DV að sniðugast sé fyrir fólk að hringja og panta vegan bollur til að tryggja að það sé til.
Kökulist er til húsa í Firðinum og Hólagötu 17 í Njarðvík.
Auka vegan fróðleiksmoli um Kökulist: Snúðarnir í Kökulist eru vegan og þau eru nýbyrjuð að vera með vegan kleinuhringi um helgar.
Brauð og Co
Brauð og Co verða með vegan bollur á boðstólnum á Food & Fun í Hörpu á laugardaginn. Einnig verða þau með bollur til sölu í öllum verslunum sínum.
Brauð og Co er á Frakkastíg 16, Fákafeni 11, Melhaga 22 og Hlemm Mathöll.
Gló
Gló verður með vegan völlur á bolludaginn sjálfan.
Gló er á Laugavegi 20b, Fákafeni 11 og Hæðasmára 6.
Bernholftsbakarí
Bernholftsbakarí sagði að það stóð til að vera með vegan bollur en það ætti eftir að koma í ljós.
Bónus selur tilbúnar ófylltar vegan bollur. Bollurnar koma tvær í pakka. Innkaupastjóri Bónus staðfesti það í samtali við DV og sagði að það væri verið að keyra bollurnar út í verslanir. Bollurnar koma því í sölu seinni partinn í dag eða á morgun.
Krónan er einnig með ófylltar vegan bollur til sölu og eru þær þegar komnar í verslanir Krónunnar.
En hvað með jurtarjóma? Samkvæmt fjölda aðila á Facebook-hópnum Vegan Ísland eru bestu rjómarnir til að þeyta Alpro Cuisine og Soyatoo. Einnig er hægt að kaupa Soyatoo í sprautu ásamt öðrum jurtarjómum.
Langar þig að baka þínar eigin bollur? Ekkert mál! Hér eru nokkrar uppskriftir að vegan bollum.
Veganistur.is eru með ljúffenga uppskrift að vegan rjómabollum að sænskum sið.
https://www.instagram.com/p/BfGOd1Anhgn/
Veganistur eru einnig með uppskrift að gerbollum og þrenns konar fyllingum.
Veganistur gerðu vegan rjómabollur úr smjördeigi í vikunni og deildu uppskriftinni á Facebook.
Viltu kannski glútenlausar og vegan vatnsdeigsbollur? Þá er Heilsa og Vellíðan með uppskrift fyrir þig.
Endilega skrifið hér undir greinina ef þið vitið um fleiri bakarí eða verslanir sem munu bjóða upp á vegan bollur.
