Nýja, og seinasta, serían af Game of Thrones verður frumsýnd 14. apríl næstkomandi vestan hafs og er mikil spenna meðal aðdáenda þáttanna, sem geta vart beðið eftir frumsýningardegi.
Til að stytta biðina mun Nabisco, framleiðandi Oreo-kexins, setja á markað sérstakt Game of Thrones Oreo-kex bráðlega samkvæmt Instagram-reikningnum CandyHunting.
https://www.instagram.com/p/BuOs2ysl4Mr/?utm_source=ig_embed
Eins og sést á myndinni hjá CandyHunting eru pakkningarnar svartar og munu þær vera skreyttar ýmsum tilvísunum í þættina.
Ekki er enn ljóst hvenær kexið kemur í verslanir, en forsvarsmenn Game of Thrones hafa nú þegar hafið samstarf við aðra framleiðendur, svo sem Bud Light og Urban Decay til að magna spennuna fyrir þessa síðustu þáttaröð.