Verslunarkeðjan Krónan býður nú upp á svokallaðar Ástarmúffur, bollakökur skreytta með hjörtum og kremi, fyrir konudaginn sem er næstkomandi sunnudag.

Bent er á það í Facebook-hópnum Fyndna frænka að hugsanlega séu ekki allir forsvarsmenn Krónunnar með á hreinu hvað orðið múffu getur einnig þýtt.

„Hahaha, þetta er meira svona bóndadagsgjöf,“ skrifar ein kona við mynd sem deilt er í hópnum og önnur bætir við: „Þarna hefði verið gott að nota bara orðið muffins.“

Þannig er nefnilega mál með vexti, eins og margir benda á í hópnum, að múffa er einnig annað orð yfir gervipíku, eins og sjá má til dæmis á vefnum meyja.is, sem sérhæfir sig í alls kyns hjálpartækjum ástarlífsins.

Þess vegna hafa margir rekið upp stór augu þegar þeir sáu auglýstar ástarmúffur í Krónunni.