Mæjónes passar með ýmsu, svo sem í salöt, með kvöldmatnum eða frönskunum. Það er ekkert mál að gera sitt eigið mæjónes frá grunni og við mælum hiklaust með því. Hér er grunnuppskrift, en auðvitað er hægt að bæta alls kyns kryddum við til að gera þetta aðeins meira spennandi.
Hráefni:
1 stór eggjarauða, við stofuhita
1 tsk. sítrónusafi
½ tsk. Dijon sinnep
½ tsk. salt
½ bolli ólífuolía
Aðferð:
Þeytið eggjarauðu, sítrónusafa, sinnepi og salti vel saman í meðalstórri skál. Á meðan þið þeytið bætið þið nokkrum dropum af olíu varlega saman við. Þegar að mæjónesið er byrjað að þykkna hellið þið olíunni í mjórri bunu saman við og þeytið stanslaust á meðan. Ef mæjónesið er ekki nógu þykkt er hægt að bæta nokkrum dropum af olíu saman við þar til rétt þykkt næst. Mæjónesið geymist í góðu íláti í fimm daga í ísskáp.