Þeir sem eru í kolvetnabanni þessa dagana ættu að kynna sér þessa uppskrift að ostabrauði sem er algjörlega stórkostlegt.
Hráefni:
3 meðalstórir kúrbítar
2 stór egg
2 hvítlauksgeirar, smátt saxaðir
1/2 tsk. þurrkað oreganó
3 bollar rifinn ostur
1/2 bolli rifinn parmesan ostur
1/4 bolli maíssterkja
salt og pipar
chili flögur
2 tsk. fersk steinselja, söxuð
pítsasósa (til að dýfa í)
Aðferð:
Hitið ofninn í 220°C og setjið smjörpappír á ofnplötu. Rífið kúrbít með rifjárni eða í matvinnsluvél. Pakkið honum inn í hreint viskastykki og kreistið vökva úr kúrbítnum. Setjið kúrbítinn í stóra skál og blandið eggjum, hvítlauk, oreganó, 1 bolla af rifnum osti, parmesan og maíssterkju saman við. Saltið og piprið og hrærið vel. Dreifið úr deiginu á ofnplötuna og bakið í 25 mínútur. Drissið restinni af ostinum yfir brauðið sem og chili flögum og steinselju og bakið í 8 til 10 mínútur til viðbótar. Berið fram með pítsasósu.
