fbpx
Mánudagur 18.mars 2019
Matur

Viltu vera vegan en veist ekki hvað á að vera í matinn? – Frábærar íslenskar vegan uppskriftasíður

Guðrún Ósk Guðjónsdóttir
Þriðjudaginn 19. febrúar 2019 17:00

Ekki missa af Helstu tíðindum dagsins í pósthólfið þitt

Lesa nánar

Langar þig að vera vegan en hefur ekki hugmynd um hvað þú átt að borða? Viltu minnka neyslu dýraafurða en veist ekki hvað á að vera í kvöldmatinn? Er barnið þitt vegan og þú vilt ekki elda handa því pasta með tómatsósu enn aðra ferðina? Þá er tilvalið að skoða uppskriftasíður í leit að hugmyndum, innblæstri eða bara fallegum myndum af gómsætum mat.

DV tók saman íslenskar vegan uppskriftasíður.

Veganistur.is

Systurnar Helga María og Júlía Sif halda úti uppskriftasíðunni veganistur.is. Þar deila þær ljúffengum uppskriftum sem hafa slegið í gegn meðal landsmanna. Þær eru með mjög fjölbreyttar og skemmtilegar uppskriftir, til dæmis að súpum, núðlum, vefjum og samlokum, veislu- og hátíðaréttum og alls konar sætindum.

Mynd: Skjáskot/www.veganistur.is

Grænkerar.is

Þórdís og Aron eru kærustupar og grænkerar. Þórdís sér um matarhliðina á síðunni meðan Aron sér um ljósmyndahliðina. Grænkerar.is er tiltölulega ný uppskriftasíða en hefur komið mjög sterk inn í vegan samfélagið. Að sögn grænkeranna vilja þau sýna fólki hvað er auðvelt og skemmtilegt að elda vegan mat og að grænkerar geti vel verið sælkerar.

Mynd: Skjáskot/www.graenkerar.is

Reykjavegan

Sunna Ben heldur úti Facebook-síðunni Reykjavegan. Síðan er samansafn uppskrifta, hollráða og upplýsinga um vegan vöruúrval og vegan matarframboð á veitingastöðum í Reykjavík. Sunna Ben eignaðist dreng 31. desember 2018 og hefur tekið sér smá hlé frá síðunni. DV óskar Sunnu innilega til hamingju með drenginn.

JustSomeVeganStuff.com

Sunna er með síðuna JustSomeVeganStuff.com. Sunna deilir gómsætum uppskriftum og fróðleik um ýmis vegan fatamerki og vegan snyrtivörumerki. Með uppskriftum sem hún hefur sett á síðuna er tófú spínat lasagna, svartbauna- og kínóaborgari og hin fullkomna haustsúpa.

Mynd: Skjáskot/www.justsomeveganstuff.com

LifðuTilFulls.is

Júlía Magnúsdóttir heilsumarkþjálfi, næringar- og lífsstílsráðgjafi og hráfæðiskokkur er með síðuna og fyrirtækið Lifðu Til Fulls. Á síðunni má finna sykurlausar og ljúffengar uppskriftir. Júlía hefur gefið út uppskriftabók og er því enginn nýliði þegar kemur að því að búa til bráðhollar og góðar uppskriftir.

Mynd: Skjáskot/www.lifdutilfulls.is

Heilsa og Vellíðan

Anna Guðný Torfadóttir heldur úti uppskriftasíðunni heilsaogvellidan.com. Hún hefur mikla ástríðu fyrir andlegri og líkamlegri heilsu. Allar uppskriftirnar á síðunni eru vegan, lausar við glúten og unnin sykur.

Mynd: Skjáskot/www.heilsaogvellidan.com

Er DV að gleyma einhverjum? Látið okkur vita hér fyrir neðan!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 4 dögum

Þessar gömlu, góðu: Ketó-pönnsur með rjóma og sultu

Þessar gömlu, góðu: Ketó-pönnsur með rjóma og sultu
Matur
Fyrir 4 dögum

Þórarinn er maðurinn á bak við Megaviku – Hatrammar deilur í stjórn: „Ákveðnir aðilar sóttu stíft á mig að hækka verðið“

Þórarinn er maðurinn á bak við Megaviku – Hatrammar deilur í stjórn: „Ákveðnir aðilar sóttu stíft á mig að hækka verðið“
Matur
Fyrir 6 dögum

Birtir myndir af öllu sem hún borðar: Ljóstrar upp ástæðunni – Hún er ekki sú sem þið haldið

Birtir myndir af öllu sem hún borðar: Ljóstrar upp ástæðunni – Hún er ekki sú sem þið haldið
Matur
Fyrir 1 viku

Hætti á ketó og sukkaði í fríinu: Svona kemur hún sér aftur í ketósis

Hætti á ketó og sukkaði í fríinu: Svona kemur hún sér aftur í ketósis