Það getur oft verið erfitt að fá börn til að borða það sem á borðum er, en í samtali við Mirror segist stjörnukokkurinn Curtis Stone luma á tveimur ráðum til að láta matvönd börn borða matinn sinn.
Curtis á tvo syni, Hudson, þriggja ára, og Emerson, sex ára. Ef að þeir vilja ekki borða það sem er í boði veit hann nákvæmlega hvað hann á að gera.
„Ég segi þeim að þetta sé það sem er í kvöldmatinn. Og ég set það í nestisboxið þeirra daginn eftir. Ef maður býður ekki aftur upp á vissan mat venst barnið honum ekki,“ segir Curtis.
Kokkurinn segir einnig mikilvægt að vera ákveðinn við börnin, sem leiðir hann að næsta ráðinu til foreldra.
„Ekki gefa þeim valkost. Þegar börnin koma heima úr skólanum er ég alltaf með snarl fyrir þau, til dæmis appelsínur. Ef þau eru svöng þá borða þau það.“