Fjölmiðlakonan Viktoría Hermannsdóttir á von á barni eftir tæpan mánuð með unnusta sínum, spéfuglinum Sólmundi Hólm.
Vinir Viktoríu komu henni á óvart um helgina með svokölluðu „baby shower“, eða steypiboði eins og það heitir á íslensku.
„Elsku bestu Breiðholtsblómin mín komu mér heldur betur á óvart. Sóli keyrði með mig með bundið fyrir augun úr Vesturbænum upp í Breiðholt þar sem þetta góða fólk beið mín með veislu að amerískum sið til að fagna ófæddu barni. Takk fyrir mig!“ skrifar Viktoría við myndir á Instagram.
https://www.instagram.com/p/Bt_e3gSA4BC/
Í sögu sína á samfélagsmiðlinum setti Viktoría enn fremur mynd af köku í boðinu sem var ansi hreint skemmtileg, eins og sést hér fyrir neðan. Á kökunni var forsíða slúðurritsins InTouch og búið að fótósjoppa andlit Viktoríu á það sem virðist vera líkami Kim Kardashian, með fyrirsögninni: Ég get ekki hætt að borða.