Áhrifavaldurinn Kylie Jenner sýndi 126 milljónum fylgjendum sínum á Instagram um helgina hvað hún borðar í morgunmat. Þá kom á daginn að hún á við sama vandamál og við hin að stríða – að gera morgunmatinn nógu spennandi.

„Ég reyni að drekka um það bil 470 millilítra á morgnana og bíða í hálftíma áður en ég borða,“ skrifaði Kylie við mynd af stóru glasi af sellerísafa.

„Í sellerí er mikið af C- og K- vítamíni en einnig fólínsýru og kalíni. Rannsóknir hafa sýnt að sellerí spilar hlutverk í að berjast gegn og koma í veg fyrir krabbamein og lifrasjúkdóma, draga úr bólgum og bæta heilsu hjartans. Stilla taugar, lina mígreni og stuðla að þyngdartapi,“ skrifaði Kylie. Þá tekur hún skýrt fram að hún drekki drykkinn til að bæta heilsuna, en ekki til að grennast.

Næst fær Kylie sér kaffi með collageni, sem ku vera gott fyrir húð, hár og neglur. Svo er komið að sjálfum matnum, en þá kvartaði Kylie.

„Morgunmatur er leiðinlegur því ég borða það sama á hverjum degi,“ skrifaði hún við mynd af eggjum, beikoni og lárperu.