fbpx
Fimmtudagur 23.maí 2019
Matur

Hrönn birtir loksins myndir úr brúðkaupinu: Magnaður metnaður í veitingum

Fagurkerar
Sunnudaginn 17. febrúar 2019 10:30

Fallegt borð.

Ekki missa af Helstu tíðindum dagsins í pósthólfið þitt

Lesa nánar

Um leið og við Sæþór ákváðum að gifta okkur fór ég á flug að skipuleggja og plana og pæla. Ég komst fljótlega að þeirri niðurstöðu að ég vildi vera með nammibar eða candy buffet í brúðkaupinu mínu.

Ég vil ekki vita hvað ég eyddi mörgum klukkutímum á pinterest að skoða allskonar útfærslur af nammibar og það var heljarinnar vinna að komast að niðurstöðu. Loksins eftir marga mánuði datt ég niður á myndir af nammibar sem mér fannst ótrúlega fallegur og ég ákvað að nota hann að hluta til sem fyrirmynd ásamt nokkrum öðrum myndum sem mér fannst fallegar og henta mínu þema. Þemað í brúðkaupinu var mest gull,glimmer, kampavínslitað og ég vildi að nammibarinn væri alveg skreyttur í því þema.

Ég vildi einnig að allt sem væri boðið uppá á nammibarnum væri í þessu litaþema og það tókst á endanum hjá mér eftir miklar pælingar.

Það sem ég var með á mínum nammibar:

Heimabakaðir cake pops, 4 tegundir
Ástrík popp í litlum glærum pokum með borða
Krispy Kreme kleinuhringir með gullglimmer
Gylltar karamellukúlur
Hersheys gullkossar
Gylltar Lindt kúlur
Hvítir snjóboltar frá Kólus
Haribo gúmmíbangsar í litlum gylltum pokum

Ég bjó sjálf til cakepops og skreytti þá á 4 mismunandi vegu. Ég notaði hvítt súkkulaði á þá alla sem grunn og notaðist svo við gyllt glimmer, gull strásykur, gylltar og silfraðar sykurkúlur, gyllt spray, hvítt súkkulaði og allskonar. Eins var ég með þá á mismunandi prikum, suma á hvítum cakepops prikum og aðra var ég með á papparörum sem ég keypti á Aliexpress.

Poppið sem ég var með kom frá Ástrík poppkorn en ég var bæði með cheddar ostapopp og karamellupopp með sjávarsalti. Þetta var bæði alveg sjúklega gott og ég get eiginlega ekki valið hvort mér fannst betra. Ég setti poppið í glæra poka sem ég keypti á Aliexpress og batt fyrir pokann með gylltum silkiborða. Minnsta málið að tengja poppið við hvaða þema sem er með öðrum lit á silkiborðanum.

Ég fékk glazed donuts hjá Krispy Kreme og stráði yfir þá gylltu matar-glimmeri til að gera þá meira gyllta – glazed hringirnir eru aðeins hvítleitir og með gyllta glimmerinu smellpössuðu þeir inní þemað mitt. Eins er ekkert mál að nota þessa hugmynd með öðru litaþema og breyta þá einfaldlega um lit á glimmerduftinu.

Ég keypti gylltar karamellukúlur og gyllta Hersheys kossa í Ameríku og tvær yndislegar vinkonur mínar sáu um að ferja þetta allt saman til landsins.

Gylltu Lindt kúlurnar keypti ég í heilsölunni Karl K. Karlsson á Nýbýlavegi en þar er hægt að kaupa Lindt kúlur í mismunandi litum.

Haribo gúmmíbangsana í litlu pokunum keypti ég loks á Amazon.com og lét senda mér hingað til lands með Myus.com en ég fékk mér aðgang þar fyrir brúðkaupið sem var algjör snilld.

Ég keypti svo gyllta pallíettudúkinn á síðu sem heitir Tableclothsfactory.com en þar keypti ég pallíettudúka fyrir öll borðin í salnum, kokteilborðin í fordrykknum og fyrir gjafaborð og nammibar.

Skrautið fyrir ofan nammibarinn keypti ég á síðu sem heitir Etsy og hér er linkur á það ef þið viljið kíkja á það. Ég keyti svo LOVE blöðruna á Aliexpress og festi fyrir neðan.

Allar glerkrukkurnar sem nammið var í fékk ég að láni hjá henni Hönnu Þóru vinkonu minni sem er bloggari á Fagurkerar.is. Hún á ekkert smá mikið af svona flottum krukkum og var algjör yndi að vera til í að lána mér þær. Hvítu kökudiskarnir á fætinum sem cakepops voru á koma af Aliexpress en ég keypti líka svona gyllta í 2 stærðum og setti brúðarterturnar á.

Ég vona að þetta hafi hjálpað einhverjum sem eru í nammibars-hugleiðingum að fá hugmyndir.

Endilega kíkið á mig á snapchat – hronnbjarna

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

Þetta gerist ef þú snýrð popp pokanum vitlaust í örbylgjuofninum

Þetta gerist ef þú snýrð popp pokanum vitlaust í örbylgjuofninum
Matur
Fyrir 1 viku

Svali lifir tvöföldu lífi: Íslendingar í sjokki – „Veit Kveikur af þessu?“

Svali lifir tvöföldu lífi: Íslendingar í sjokki – „Veit Kveikur af þessu?“
Matur
Fyrir 1 viku

Léttir réttir til að hringja inn sumarið – Drífðu þig inn í eldhús

Léttir réttir til að hringja inn sumarið – Drífðu þig inn í eldhús
Matur
Fyrir 1 viku

Sláandi myndband – Vinsælt eldunarsprey sagt valda sprengingum í eldhúsum – Bruni, blinda og afskræming

Sláandi myndband – Vinsælt eldunarsprey sagt valda sprengingum í eldhúsum – Bruni, blinda og afskræming
Matur
Fyrir 1 viku

Eiríkur bendir á stóran galla á flestum heimilum: „Mak­inn þarf nú, með troð­fullan mag­ann, að strita í nokkra klukku­tíma“

Eiríkur bendir á stóran galla á flestum heimilum: „Mak­inn þarf nú, með troð­fullan mag­ann, að strita í nokkra klukku­tíma“
Matur
Fyrir 2 vikum

Ótrúlegir snúðar sem æra óstöðuga – Sjáið uppskriftina

Ótrúlegir snúðar sem æra óstöðuga – Sjáið uppskriftina